मॉड्युलर प्रसूतिगृह अन शस्त्रक्रिया केंद्रामुळे चांगल्या आरोग्य सुविधा मिळणार : पालकमंत्री मंगलप्रभात लोढा

मुंबई : मालाड सामान्य रुग्णालय येथे मॉड्यूलर ऑपरेशन थिअटर व मॉड्युलर प्रसुतीगृहामुळे रुग्णांना निर्जतुक वातावरण उच्च प्रतीची आरोग्य सेवा मिळणार असून, शस्त्रकियेनंतर रुग्णांचा रुग्णालयातील कालावधी कमी करून आरोग्य यंत्रणा यांच्या आरोग्याच्या दृष्टीने देखील दुहेरी फायदा होणार आहे. मालाड येथील या सुविधेचा लाभ मिळाल्यामुळे माता मृत्यू तसच नवजात शिशु मृत्यदराचे प्रमाण कमी करण्यास मदत होईल, तसेच आगामी तीन महिन्यात दहा डायलेसिस मशीन देखील बसवण्यात येणार आहेत अशी माहिती कौशल्य,रोजगार, उद्योजकता व नाविन्यता मंत्री तथा मुंबई उपनगरचे पालकमंत्री मंगल प्रभात लोढा यांनी दिली.

मालाड येथील सामान्य रुग्णालय येथे शस्त्रक्रिया गृह व प्रसूती गृहाचे अत्याधुनिकरण कामाचे उद्घाटन करताना पालकमंत्री मंगल प्रभात लोढा बोलत होते. यावेळी खासदार गोपाळ शेट्टी, आमदार योगेश सागर, स्थानिक नगरसेवक,शासकीय रुग्णालयाचे वैद्यकीय अधिकारी, व इतर अधिकारी उपस्थित होते.

पालकमंत्री लोढा म्हणाले,जिल्हा नियोजन समितीच्या माध्यमातून या कामासाठी निधी उपलब्ध करून देण्यात आला असून.मालाड येथील सामान्य रुग्णालयात मॉडयूलर ऑपरेशन थिअटर व मॉडयुलर प्रसुतीगृह हे प्रतिजैविक व पृष्ठभाग व निर्जंतुकिकृत हवा असल्यामुळे रुग्णांना कोणत्याही प्रकार तीव्र संसर्ग अथवा व इतर रोगराई पासुन प्रतिबंध करण्यास सहाय्य ठरणारी अशी ही यंत्रणा आहे. या नव्या सुविधेमुळे रुग्णांना निर्जंतुक वातावरण, उच्च प्रतीची आरोग्य सेवा उपलब्ध होणार आहे.''

''भारतात माता व नवजात शिशु मृत्युचे मुख्यकारण हे जंतुसंसर्ग (इन्फेक्शन्स) आहे.हा धोका कमी करून मॉडयूलर प्रसुतीगृह हे जंतुसंसर्ग (इन्फेक्शन्स) चा धोका कमी करून माता मृत्यू तसच नवजात शिशु मृत्यदराचे प्रमाण कमी करण्यास मदत करण्यास सह्यायाभूत ठरेल. महाराष्ट्र शासनाचे एकमेव सामान्य रुग्णालय मुंबई उपनगरात कार्यरत असून ते अद्यावत मॉडयुलर ऑपरेशन थिअटर व मॉडयुलर प्रसुतीगृह सुसज्ज करण्यात आले आहे, मत पालकमंत्री मंगल प्रभात लोढा यांनी व्यक्त केले.