डेन्मार्कमध्ये कुराण आणि इराकी ध्वज जाळल्याच्या निषेधार्थ आंदोलन!

नवी दिल्ली : इराकचा दूतावास असलेल्या बगदादच्या जोरदार तटबंदी असलेल्या ग्रीन झोनमध्ये दि. २२ जुलै रोजी पहाटे शेकडो आंदोलकांनी घुसण्याचा प्रयत्न केला. एका अतिरेकी गटाने कुराण जाळल्याच्या निषेधार्थ कोपनहेगनमधील इराकी दूतावासासमोर निदर्शने करण्यासाठी आंदोलक आले होते. मात्र, सुरक्षा दलांनी त्यांना मागे ढकलले आणि जमहुरिया पुलावर नाकाबंदी करून त्यांना डॅनिश दूतावासात जाण्यापासून रोखले.

बगदादमधील स्वीडिश दूतावासावर स्वीडनमधील इस्लामिक पवित्र ग्रंथ नियोजितरित्या जाळल्याबद्दल संतप्त झालेल्या लोकांनी दोन दिवसांनी हा निषेध नोंदवला. प्रभावशाली इराकी शिया धर्मगुरू आणि राजकीय नेते मुक्तादा अल-सद्र यांचे चित्रण करणारे झेंडे आणि चिन्हे फडकवत आंदोलकांनी आग ही लावली. मात्र, दूतावासातील कर्मचाऱ्यांना एक दिवस आधी बाहेर काढण्यात आले होते.

कुराणाचा अपमान केला

काही तासांनंतर, इराकच्या पंतप्रधानांनी कुराणच्या अपमानाच्या निषेधार्थ स्वीडनशी राजनैतिक संबंध तोडले. गेल्या महिन्यात स्टॉकहोममधील निदर्शनादरम्यान कुराणची प्रत जाळणाऱ्या एका इराकी तरुणांने पुन्हा तसेच करण्याची धमकी दिली होती. परंतु पुस्तक जाळण्यास नकार दिला. मात्र, असे असतानाही त्याने कुराणला लाथ मारली आणि त्यावर पाऊल ठेवले. इराकी ध्वज आणि इराणचे सर्वोच्च नेते अयातुल्ला अली खमेनी यांच्या चित्रासोबतही त्यांनी असेच केले.

दरम्यान इराक आणि इतर मुस्लिमबहुल देशांमध्ये हजारो लोकांनी शांततापूर्ण निदर्शने केली. एका वृत्तानुसार अति-राष्ट्रवादी गट डॅन्स्के पॅट्रियटच्या सदस्यांनी कोपनहेगनमधील इराकी दूतावासासमोर कुराणची प्रत आणि इराकी ध्वज जाळला आणि फेसबुकवर त्याचा थेट व्हिडिओ देखील पोस्ट केला.

या घटनेनंतर बगदादमध्ये रात्रभर निदर्शने करण्यात आली. शेकडो आंदोलकांनी ग्रीन झोनमध्ये प्रवेश करण्याचा प्रयत्न केला.त्यावेळी सुरक्षा दलांशी चकमक झाली. तसेच समर्थनार्थ घोषणाबाजी केली आणि इराकी झेंडे तसेच प्रमुख नेत्याचे आणि त्यांच्या आंदोलनाचे छायाचित्र घेतले.

एका निवेदनात, इराकच्या परराष्ट्र मंत्रालयाने डेन्मार्कमधील इराकी दूतावासासमोर पवित्र कुराण आणि इराक प्रजासत्ताकच्या ध्वजाचा अपमान केल्याच्या घटनेचा तीव्र निषेध केला. याने आंतरराष्ट्रीय समुदायाला "जगभरातील सामाजिक शांतता आणि सहअस्तित्वाचे उल्लंघन करणाऱ्या या अत्याचारांना तातडीने आणि जबाबदारीने उभे राहण्याचे आवाहन केले आहे." विशेष म्हणजे बगदादमध्ये दि. २२ जुलै रोजी संध्याकाळी ६ वाजता आणखी एक आंदोलन होणार आहे.