SAP लॅब्स देणार १५ हजार नोकऱ्या; बेंगळुरूमध्ये दुसरे कॅम्पस

बंगळुरु : जगभरात मंदीचे सावट असताना भारतात मात्र उद्योगधंद्यांना पोषक वातावरण तयार होत आहे. त्यातच SAP लॅब्स इंडियाने ग्राउंडब्रेकिंग समारंभाद्वारे बेंगळुरूमध्ये त्याच्या दुसऱ्या कॅम्पसच्या बांधकामाला सुरुवात केली आहे. या केंद्रामुळे १५ हजार नोकऱ्या निर्माण होणार असल्याचा दावा कंपनीने केला आहे. भारतातील आयटी हब म्हणून गणले जाणारे बंगळुरु हे शहर जागतिक स्तरावर SAP चे सर्वात मोठे R&D हब आहे आणि SAP च्या जागतिक R&D मध्ये ४० टक्के योगदान देते. SAP च्या सध्या १७ देशांमध्ये २० प्रयोगशाळा आहेत. तसेच, कंपनीच्या मनुष्यबळाबाबत SAP लॅबचे जगभरात ४३ हजारापेक्षा जास्त कर्मचारी आहेत.

दरम्यान, SAP ही जर्मन मल्टीनॅशनल सॉफ्टवेअर कंपनी आहे. कंपनीचे एमडी सिंधू गंगाधरन यांची उपस्थिती या समारंभाला दिसली; मोहम्मद अंझी, चीफ ऑपरेटिंग ऑफिसर, SAP लॅब्स इंडिया; आणि रोशन गौडा, प्रादेशिक प्रमुख, ग्लोबल रिअल इस्टेट आणि सुविधा – APJ आणि ग्रेटर चायना, SAP.

नोव्हेंबर १९९८ मध्ये स्थापन झालेली SAP Labs India हे SAP चे जर्मनीबाहेरील सर्वात मोठे R&D केंद्र बनले आहे. हे SAP ची उत्पादन रणनीती चालवते, त्याचबरोबर SAP कोर सोल्यूशन्ससाठी कटिबध्द आहे. त्याचप्रमाणे, उत्पादन स्थानिकीकरण आणि भारत-विशिष्ट उपाय प्रदान करते असे म्हटले जाते. SAP Labs India SAP उत्पादन पोर्टफोलिओच्या संपूर्ण विस्ताराचे प्रतिनिधित्व करते आणि SAP व्यवसाय तंत्रज्ञान प्लॅटफॉर्म सारख्या SAP प्रमुख उत्पादनांमध्ये योगदान देते.