कर्करोगग्रस्तांना सकारात्मकतेचा दिलासा

कर्करोग उपचाराच्या काही पर्यायी पद्धतीदेखील सकारात्मक विचार आणि मनाच्या सामर्थ्याने कर्करोग बरा करणे शक्य असल्याचा दावा करतात. तथापि, हे सामान्यतः न तपासलेले आणि कुचकामी उपचारांचे प्रकार आहेत, जे केवळ शेवटचा उपाय शोधत असलेल्या असुरक्षित लोकांचा बळी घेण्याचा प्रयत्न करतात. कर्करोगाची दीर्घकालीन प्रगती आणि परिणाम हे व्यक्तीची लढाऊ वृत्ती, भावनांची सकारात्मक अभिव्यक्ती, आशावादआणि सामाजिक आधार यावर बर्‍याच अंशी अवलंबून असतात. दुर्दैवाने कर्करोगाच्या जगण्याशी सकारात्मक दृष्टिकोन थेट जोडणारा कोणताही वैज्ञानिक पुरावा नाही, हे तथ्य आहे. कारण, हा एक असा दुवा आहे, ज्यावर भूतकाळात क्वचितच अभ्यास किंवा संशोधन केले गेले आहे. तथापि, आजच्या आधुनिक युगात असे काही अभ्यास आहेत, ज्यांनी सकारात्मक विचारसरणीतगुंतलेल्या कर्करोगाच्या रुग्णांना पुन्हा रुग्णालयात दाखल होण्याची शक्यता इतरांपेक्षा कमी आहे, हे सिद्ध केले आहे. सकारात्मक विचार आणि कर्करोग यांच्यातील थेट संबंध जाणून घेण्यासाठी काही क्लिनिकल चाचण्यादेखील सध्या अभ्यासल्या जात आहेत.

एक आशाजनक मानसिकता कर्करोगाचे निदान झालेल्या लोकांना त्यांच्या जीवनातील अधिक विधायक पैलूंवर लक्ष केंद्रित करण्यास मदत करू शकते. अभ्यासातून असे दिसून आले आहे की, कर्करोगासारख्या गंभीर आजाराशीकाही प्रमाणात विश्वास, आशावाद आणि विनोद रुग्णाच्या जीवनाची गुणवत्ता मोठ्या प्रमाणात सुधारू शकतात. म्हणूनच, एखाद्याचा मूड हलकाफुलका करण्याचा हेतुपुरस्सर प्रयत्न करणे किंवा केवळ सकारात्मक घडामोडींवर लक्ष केंद्रित करणे, कर्करोगावर मात करण्याच्या प्रवासात रुग्णाला खूप पुढे नेऊ शकते. सकारात्मक विचारांमुळे भीती आणि रागाच्या नकारात्मक भावनांनाही आळा बसू शकतो आणि चिंता आणि नैराश्यासारख्या मानसिक आरोग्याच्या परिस्थितीला बळी पडणे रुग्णांना टाळता येते. शिवाय, उपचारांच्या टप्प्यात त्यामुळे त्यांची वैद्यकीय आणि शारीरिक उपचार स्वीकारण्याची क्षमता, तसेच मानसिक लवचिकता सुधारू शकते.

सकारात्मक विचार केल्याने कर्करोगावर मात करण्याचा, भावनिक अडचणीचा प्रवास खरोखरच सोपा होऊ शकतो. त्या व्यक्तीला कोणतेही दु:ख, राग किंवा त्रास व्यक्त करण्यात सहज वाटते. अशा भावनांकडे दुर्लक्ष केल्याने किंवा दडपून टाकल्याने व्यक्ती अत्यंत निराश होतात. त्यांना एकटे वाटू शकते. एक सकारात्मक दृष्टिकोन आवश्यक असतानादेखील, व्यक्ती आणि त्यांच्या कुटुंबातील सदस्यांना इतर कमी सकारात्मक भावना व्यक्त करण्यासाठीदेखील संधी मिळणे आवश्यक आहे. त्यामुळे कर्करोगाविरूद्धच्या लढाईत नेहमी आनंदी चेहरा ठेवण्याच्या अपेक्षांनी भारावून जाऊ नये, हेदेखील लक्षात ठेवा. निराश असलेल्या व्यक्तीला एखाद्या गोष्टीबद्दल दुःखी वाटणे पूर्णपणे सामान्य आहे. दुःखाचे कारण माहीत असताना दु:ख व्यक्त न केल्याने व नेहमी धाडसी चेहरा ठेवून, आपण कदाचित आपल्या सभोवतालच्या लोकांसमोर, दुःखी असलेल्या गोष्टींबद्दल बोलणे योग्य नाही, असे दर्शवित असू. रडण्यामुळे उचंबळून येणार्‍या आंतरिक भावनांची निरोगी मुक्तता होऊ शकते आणि त्या भावनांना मुक्त करण्यासाठी रुग्णांना सुरक्षित संधी प्रदान करणे केव्हाही उत्तम. उद्ध्वस्त वाटण्याच्या सुरुवातीच्या कालावधीनंतर अनेक सकारात्मक व्यक्तींनी अत्यंत जाणीवपूर्वक जगण्याचा निर्णय घेतला आणि प्रत्येक दिवसाचा जास्तीत जास्त लाभ घेण्याचे ठरवले.