‘अदानी समूहा’सह भारतीय व्यावसायिकांवर इस्रायलचा विश्वास

“भारतातल्या गुंतवणूकदारांचं स्वागत करण्यासाठी इस्रायल सज्ज आहे. अधिकाधिक गुंतवणूक आमच्याकडे झाली पाहिजे. आमच्या देशातल्या लोकांच्या हिताची ही बाब आहे. आम्ही हे जे पाऊल उचलले आहे. त्यानंतर भारतातले गुंतवणूदार इस्रायलमध्ये येतील, असा आम्हाला विश्वास वाटतो,” असेही बरकत यांनी वृत्तसंस्थेला दिलेल्या मुलाखतीत म्हटले आहे.इस्रायलचे अर्थमंत्री मीर बरकत भारताच्या दौर्‍यावर असून, इस्रायलच्या लोकांना भारतात सुरक्षित राहणे आणि व्यवसाय करणे सुरक्षित वाटत असल्याचेही ते म्हणाले. “इस्रायलींचे भारतीयांवर प्रेम आहे आणि भारतीयांनाही इस्रायली आवडतात. आम्हाला सुरक्षित वातावरणात व्यवसाय करणे आवडते आणि भारतात तसे वातावरण आहे, ” असेही त्यांनी म्हटले आहे.