अजय पिरामल आणि डॉ. स्वाती पिरामल यांनी घेतली राष्ट्रपती द्रौपदी मुर्मू यांची भेट
Total Views |
नवी दिल्ली : ‘पिरामल ग्रुप’चे अध्यक्ष अजय पिरामल आणि उपाध्यक्ष डॉ. स्वाती पिरामल यांनी ‘पिरामल फाऊंडेशन’ने देशातील सर्वात गुंतागुंतीच्या समस्या सोडवण्यासाठी घेतलेल्या विविध उपक्रमांवर चर्चा करण्यासाठी भारताच्या राष्ट्रपती द्रौपदी मुर्मू यांची राष्ट्रपती भवनात भेट घेतली. यावेळी आदिवासी आरोग्य आणि कल्याण, शिक्षण, जलसंधारण, आयुष्मान भारत आणि ‘डिजिटल हेल्थकेअर सेवा’ या क्षेत्रांमध्ये ‘पिरामल फाऊंडेशन’ने राबवलेल्या विविध उपक्रमांची माहिती देणारे ’डुईंग वेल अॅण्ड डुईंग गुड’ हे पुस्तक राष्ट्रपतींना देण्यात आले.
या पुस्तकात ‘पिरामल फाऊंडेशन’तर्फे संपूर्ण भारतातील सामाजिक क्षेत्र ‘इकोसिस्टीम’ आणि त्यांच्या प्रभावाची माहिती देण्यात आली आहे. फाऊंडेशनच्या पोर्टफोलिओतील ‘सोल्यूशन्स व्ह्यूज्’मध्ये ‘बिग बेट्स’चा समावेश आहे, जे भारताला २०३० पर्यंत शाश्वत विकास उद्दिष्टे साध्य करण्याच्या दिशेने पुढे नेईल. फाऊंडेशनच्या महत्त्वपूर्ण कार्यक्रमांपैकी एक - अनामया, आदिवासी आरोग्य सहयोगी - आदिवासींच्या आरोग्यामध्ये कला आणि संस्कृती एकत्रित करण्यासाठी आदिवासी समुदायांसोबत क्षयरोग दूर करण्यासाठी, माता आणि नवजात मृत्यूदर कमी करण्यासाठी, पारंपरिक आदिवासी औषधांद्वारे आरोग्यसेवा सुधारण्यासाठी आणि जवळून काम करत आहे.
आकांक्षी जिल्हा सहयोगाचे उद्दिष्ट ‘हायपरलोकल कोलॅबोरेशन’ आणि ’लास्ट माईल कन्व्हर्जन्स’द्वारे २०३० पर्यंत ११२ आकांक्षी जिल्ह्यांमध्ये गरिबीत राहणार्या १०० दशलक्ष लोकांचे जीवन उंचावणे हे आहे. या कार्यक्रमांतर्गत, फाऊंडेशन मूलभूत साक्षरता आणि शिक्षण, रक्तक्षय असलेल्या लोकांची तपासणी आणि उपचार, पाणी व्यवस्थापनात मालकी आणि आत्मनिर्भरता वाढवण्याच्या दिशेने काम करत आहे.या पुस्तकात ’पिरामल स्कूल ऑफ लीडरशिप’ यांसारखे इतर उपक्रमदेखील समाविष्ट आहेत, जे शिक्षण, आरोग्य आणि हवामान शाश्वतता या क्षेत्रातील उद्याच्या नेत्यांची जडणघडण करते आणि ‘डिजिटल भारत कोलॅबोरेटिव्ह’ जे सुधारित आरोग्यसेवा सेवांसाठी ’डिजिटल’ आर्किटेक्चरची अंमलबजावणी करतात.बैठकीदरम्यान, राष्ट्रपतींनी ’पिरामल फाऊंडेशन’ने भारताच्या सामाजिक क्षेत्रातील पर्यावरणातील गंभीर समस्या सोडवण्यासाठी आणि २७ राज्ये, २ केंद्रशासित प्रदेशांमधील ११३ दशलक्ष भारतीयांच्या जीवनाला स्पर्श करण्यासाठी घेतलेल्या पुढाकाराचे कौतुक केले.