ठाणे भाजपातर्फे 'एक भारत श्रेष्ठ भारत' अंतर्गत १२ राज्यांचा स्थापना दिवस उत्साहात संपन्न

भाजपातर्फे राष्ट्रीय व सांस्कृतिक एकात्मता वृद्धिंगत करण्यासाठी भारतातील सर्व राज्यांचे स्थापना दिवस ठाणे शहरात साजरे केले जातात. विविध राज्यांच्या परंपरा तसेच संस्कृतीचा मिलाफ दर्शवणारे कार्यक्रम यावेळी सादर करण्यात आले. आ.संजय केळकर यांनी सर्वांना शुभेच्छा देत राष्ट्रीय एकात्मता अखंड ठेवण्यासाठी एक भारत श्रेष्ठ भारत अभियानाच्या योगदानाचे महत्व विषद केले.याप्रसंगी एक भारत श्रेष्ठ भारत या अभियानाच्या गेल्या वर्षभरातील कार्याच्या अहवालाचे अनावरण आ. संजय केळकर यांच्या हस्ते करण्यात आले. कार्यक्रम यशस्वी करण्यासाठी सूत्रसंचालक ऋजुता देशपांडे तसेच वर्तकनगर मंडळ अध्यक्ष संतोष जयस्वाल, साधना दातार, प्रगती जाधव, विनय जाधव, अथर्व जोशी, महेश जोशी यांचेही मोलाचे सहकार्य लाभले.