मध्य रेल्वे मार्गावर रविवारी मेगा ब्लॉक; जाणून घ्या
Total Views |
_202311241839059581_H@@IGHT_392_W@@IDTH_696.jpg "Sunday Megablock on Central Railway")
मुंबई : मध्य रेल्वेतर्फे मुंबई विभागात रविवार, दि. २६ नोव्हेंबर रोजी रोजी विविध अभियांत्रिकी आणि देखभालीची कामे करण्यासाठी त्याच्या उपनगरीय विभागांवर मेगा ब्लॉक घेण्यात आला आहे.
माटुंगा - ठाणे अप आणि डाऊन (धीमा मार्ग) सकाळी ११.०५ ते दुपारी ३.३५ पर्यंत, छत्रपती शिवाजी महाराज टर्मिनस (छशिमट) मुंबईहून सकाळी १०.१४ ते दुपारी ३.०९ या वेळेत सुटणाऱ्या धीम्या मार्गावरील सेवा माटुंगा आणि ठाणे स्थानकांदरम्यान जलद मार्गावर वळवण्यात येईल आणि शीव, कुर्ला, घाटकोपर, विक्रोळी, भांडुप, मुलुंड आणि ठाणे स्थानकांदरम्यान थांबतील. यापुढे ठाणे स्थानकावर योग्य धीम्या मार्गावर वळवण्यात येईल.
त्याचप्रमाणे कल्याणहून सुटणाऱ्या अप धीम्या मार्गावरील सेवा सकाळी १०.२५ ते दुपारी ३.१० या वेळेत ठाणे ते माटुंगा दरम्यान अप जलद मार्गावर वळवण्यात येईल आणि ठाणे, मुलुंड, भांडुप, विक्रोळी, घाटकोपर, कुर्ला आणि शीव स्थानकात थांबतील. पुढे माटुंगा येथे अप धीम्या मार्गावर वळवण्यात येईल.
दरम्यान, धीम्या मार्गावर, ब्लॉकपूर्वीची शेवटची लोकल छशिमट येथून रविवारी सकाळी ९.५३ वाजता सुटेल आणि ब्लॉकनंतरची पहिली लोकल छशिमट येथून ३.१८ वाजता सुटेल.
अप धीम्या मार्गावर, ब्लॉकपूर्वीची शेवटची लोकल कल्याणहून सकाळी ९.५५ वाजता सुटेल आणि ब्लॉकनंतरची पहिली लोकल दुपारी ३.२४ वाजता सुटेल.
- हार्बर मार्गावरही ब्लॉक
-पनवेल- वाशी अप आणि डाऊन हार्बर मार्गावर सकाळी ११.०५ते दुपारी ४.०५ पर्यंत
(नेरुळ/बेलापूर-खारकोपर पोर्ट मार्ग वगळून)
- सकाळी १०.३३ ते दुपारी ३.४९ वाजेपर्यंत पनवेल येथून सुटणारी छशिमट मुंबई येथे जाणाऱ्या अप हार्बर मार्गावरील सेवा आणि छशिमट मुंबई येथून सकाळी ९.४५ ते दुपारी ३.१२ या वेळेत पनवेल/बेलापूर येथे जाणाऱ्या अप हार्बर मार्गावरील सेवा बंद राहतील.
- सकाळी ११.०२ ते दुपारी ३.५३ वाजेपर्यंत पनवेल येथून सुटणारी ठाणे येथे जाणारी अप ट्रान्सहार्बर मार्गावरील सेवा आणि पनवेल येथून ठाण्याकडे जाणारी डाऊन ट्रान्सहार्बर मार्गावरील सेवा सकाळी १०.०१ ते दुपारी ३.२० वाजेपर्यंत बंद राहतील.
- डाऊन हार्बर मार्गावर, ब्लॉकपूर्वीची शेवटची लोकल छशिमट येथून सकाळी ९.३० वाजता सुटेल आणि १०.५० वाजता पनवेल येथे पोहोचेल आणि छशिमट येथून सुटणारी पहिली लोकल दुपारी ३.१६ वाजता असेल आणि पनवेल येथे ४.३६ वाजता पोहोचेल.
- अप हार्बर मार्गावर, ब्लॉकपूर्वी छशिमटसाठी शेवटची लोकल सकाळी १०.१७ वाजता पनवेल येथून सुटून सकाळी ११.३६ वाजता छशिमट येथे पोहोचेल आणि ब्लॉकनंतर छशिमटसाठी पनवेल येथून सुटणारी पहिली लोकल दुपारी ४.१० वाजता असेल आणि दुपारी ५.३० वाजता पनवेल येथे पोहोचेल.
-डाऊन ट्रान्सहार्बर मार्गावर, ब्लॉकपूर्वी पनवेल दिशेने जाणारी शेवटची लोकल ठाणे येथून सकाळी ९.३९ वाजता सुटेल आणि पनवेल येथे सकाळी १०.३१ वाजता पोहोचेल आणि ब्लॉकनंतर पनवेल दिशेने जाणारी पहिली लोकल दुपारी ४ वाजता असेल आणि पनवेल येथे दुपारी ४.५२ वाजता पोहोचेल.
-अप ट्रान्सहार्बर मार्गावर, ब्लॉकपूर्वी ठाण्याच्या दिशेने जाणारी शेवटची लोकल पनवेल येथून सकाळी १०.४१ वाजता सुटून ठाणे येथे सकाळी ११.३३ वाजता पोहोचेल आणि ब्लॉकनंतर ठाणे दिशेने जाणारी पहिली लोकल ४.२६ वाजता असेल आणि ठाणे येथे सायंकाळी ५.२० वाजता पोहोचेल.
- ब्लॉक कालावधीत छशिमट मुंबई-वाशी भागावर विशेष लोकल
- ब्लॉक कालावधीत ठाणे-वाशी/नेरुळ स्थानकांदरम्यान ट्रान्सहार्बर लाईन सेवा उपलब्ध
- ब्लॉक कालावधीत बेलापूर/नेरुळ आणि खारकोपर स्थानकांदरम्यान पोर्ट लाईन सेवा उपलब्ध