'भारताने विश्वचषक गमावला हे चांगले'... पाकिस्तानी क्रिकेटर अब्दुल रज्जाकने ओकली गरळ!

नवी दिल्ली : टीम इंडियाने वर्ल्ड कप २०२३ ची ट्रॉफी गमावल्यानंतर संपूर्ण भारत दु:खी असताना, पाकिस्तानमध्ये आनंद साजरा केला जात आहे. यापूर्वी अनेक कारणांमुळे वादात सापडलेला पाकिस्तानचा माजी क्रिकेटपटू अब्दुल रज्जाकने टीम इंडियाच्या पराभवावर म्हटले आहे की, भारताचा पराभव झाला हे चांगले आहे. त्यांच्या मते, असे झाले नसते तर संपूर्ण क्रिकेट भारताकडे वळले असते आणि क्रिकेटचा पराभव झाला असता.

भारत आणि ऑस्ट्रेलिया यांच्यात खेळल्या गेलेल्या विश्वचषक सामन्याच्या निकालानंतर अब्दुल रज्जाकने पाकिस्तानी शो 'हसना मना है'मध्ये १.३७ सेकंदांनंतर हे सांगितले. रज्जाक असे म्हणताना ऐकू येईल-खेळपट्ट्यांमध्ये काहीतरी गडबड असल्यासारखे अब्दुल रज्जाकशोमध्ये दाखवण्याचा प्रयत्न करतो. पूर्णपणे न्याय्य खेळपट्टी असावी असे तो म्हणतो. दोन्ही संघांमध्ये समतोल असायला हवा. आजही भारताने फायदा घेतला, जर कोहलीने १०० धावा केल्या असत्या तर भारताने विश्वचषक जिंकला असता. आणि जर भारत जिंकला असता तर तो खेळासाठी खूप दुःखाचा क्षण ठरला असता. त्याने आपल्या सोयीप्रमाणे परिस्थितीचा वापर केला.

रज्जाक म्हणाला- “मी आयसीसी फायनलसाठी इतकी खराब खेळपट्टी याआधी पाहिली नव्हती. भारताचा पराभव क्रिकेटसाठी चांगला आहे.या आधी ही अब्दुल रज्जाक यांनी महिलांबाबत असभ्य टिप्पणी केली होती. पाकिस्तानचा माजी क्रिकेटपटू अब्दुल रझाक अलीकडेच अभिनेत्री ऐश्वर्या रायबद्दल असभ्य टिप्पणी केल्यामुळे आणि त्यानंतर माफी मागितल्यामुळे चर्चेत आला होता. त्याचे अनेक व्हिडिओ व्हायरल झाले होते ज्यात तो महिलांबद्दल बोलून आपल्या अभद्र विचारसरणीचा पुरावा देत होता. त्याने पाकिस्तानी क्रिकेटर निदा दारचा खरपूस समाचार घेतला आणि एका शोमध्ये लग्नानंतर तिचे ५-६ संबंध असल्याचे सांगितले.