'माझा देवाशी विशेष संबंध' : विजयादशमीला इस्रो प्रमुखांनी भद्रकाली मंदिरात मुलांसाठी केले 'विद्यारंभम'!

नवी दिल्ली : 'चांद्रयान ३' आणि 'गगनयान'च्या नुकत्याच झालेल्या यशस्वी चाचणीमुळे भारतातील अंतराळ क्षेत्रात काम करणारे प्रत्येकजण उत्साहित आहे. आता विजयादशमीच्या निमित्ताने दि. २४ ऑक्टोबर २०२३ रोजी इस्रो प्रमुख एस सोमनाथ केरळमधील तिरुअनंतपुरम येथील पूर्णमिकवु मंदिरात प्रार्थना करण्यासाठी पोहोचले. यादरम्यान त्यांनी विश्वाच्या रहस्यांसाठी सुरू असलेल्या आध्यात्मिक शोधाचाही उल्लेख केला. ते म्हणाले की एक अंतराळ शास्त्रज्ञ म्हणून ते अंतराळातील रहस्ये सोडवण्याचा प्रयत्न आम्ही करतो.

 

ते पुढे म्हणाले की ते रॉकेट बनवतात.विश्वाची रहस्ये उलगडण्यासाठी ते मनाच्या आत आणि बाहेरही प्रयत्न करतात,असेही त्यांनी नमूद केले. देवाशी असलेल्या आपल्या खास नात्याबद्दल बोलताना एस सोमनाथ म्हणाले की, ते नेहमी मंदिरात येण्याचे हेच कारण आहे. यादरम्यान त्यांनी मंदिरातील 'विद्यारंभम' या विशेष कार्यक्रमातही सहभाग घेतला. याअंतर्गत लहान मुलांना अक्षरांचे ज्ञान देऊन शिक्षण सुरू केले जाते.

 

यादरम्यान त्यांनी 'गगनयान'बद्दलही चर्चा केली. भारतीय अंतराळ संशोधन परिषदेचे अध्यक्ष म्हणाले की, यासाठी अंतराळवीरांची निवड करण्यात आली असून त्यांच्या प्रशिक्षणाची प्रक्रियाही पूर्ण झाली आहे, त्यामुळे सुरुवातीच्या मोहिमांमध्ये महिलांचा सहभाग सुनिश्चित केला जाणार नाही. या मोहिमेचे उद्दिष्ट स्पष्ट करताना ते म्हणाले की, या अंतर्गत मानवाला अंतराळात पाठवायचे आहे आणि नंतर त्यांना पृथ्वीवर सुखरूप परत आणायचे आहे. भविष्यात या अभियानात महिलांचा अधिकाधिक सहभाग असेल, अशी ग्वाही त्यांनी दिली.

यालाही आपले प्राधान्य असल्याचे त्यांनी सांगितले. 'गगनयान' मोहिमेत मानवासारखे दिसणारे रोबोट्स म्हणजेच ह्युमनॉइड्स मानवासमोर पाठवले जाणार आहेत. यावेळी त्यांनी 'विद्यारंभम' कार्यक्रम हा भारतीय संस्कृतीचा एक भाग असल्याचे सांगून शिक्षण ही निरंतर प्रक्रिया असून त्यात अक्षरांचे विशेष महत्त्व असल्याचे सांगितले. या मंदिरात मल्याळम अक्षरांचीही पूजा केली जाते, असे त्यांनी सांगितले. ते म्हणाले की, विजयादशमीच्या दिवशी विद्यार्थ्यांना या ज्ञानाची ओळख होते, ही त्यांच्यासाठी आशीर्वाद आहे.