पर्यावरणातील नवदुर्गा : स्वाती टिल्लू

गेल्या दोन वर्षांत बाजारातून फिनायल, हार्पिक यांसारखे रासायनिक पदार्थ न आणलेल्या स्वाती संत्री, मोसंबीच्या सालांपासून स्वतःच ’बायोएन्झाईम’ बनवतात. त्यांच्यासह अनेक महिला आपापल्या घरी ओल्या कचर्‍यापासून खत तयार करतात आणि याबाबत जनजागृतीही करतात. आपल्या घरचा कचरा शून्य कचरा व्हावा आणि प्रत्येक ठिकाणच्या कचरा त्या त्या ठिकाणीच विघटित व्हावा, या दृष्टीने त्या प्रयत्न करत आहेत. त्यांच्या या कामासाठी नवी मुंबई महापालिकेकडून त्यांना ’स्वच्छाग्रही’ म्हणून ओळख मिळाली आहे.