.....जेव्हा बिशन सिंग बेदी यांनी आपल्या दोन्ही फलंदाजांना परत बोलावलं होतं

मुंबई : भारतीय क्रिकेटविश्वातील महान व्यक्तिमत्त्व दिग्गज फिरकीपटू बिशन सिंह बेदी यांचे वयाच्या ७७ व्या वर्षी प्रदीर्घ आजाराने निधन झाले. बेदी यांनी २२ सामन्यांमध्ये भारतीय संघाचे नेतृत्वही केले होते. तर १९६७ ते १९७९ या काळात भारताचे प्रतिनिधित्व केले. दरम्यान, बिशन सिंग बेदी यांच्या निधनाने त्यांच्या क्रिकेट कारकिर्दीतील किस्सेही समोर येत आहेत. बिशनसिंग बेदी यांनी भारतासाठी कर्णधारपदही भूषविली होते. बेदी कर्णधारपदी असताना एक घटना घडली होती. १९७८ साली पाकिस्तान दौऱ्यादरम्यान पाकिस्तानी पंचांच्या अप्रामाणिकपणामुळे विजयी सामना सोडला होता.

बिशन सिंह बेदी हे नेहमीच आपल्या संघासाठी उभं राहणारं कर्णधार मानला जात असतं. याच्याशी संबंधित एक घटना त्याच्या संघाच्या १९७८ च्या पाकिस्तान दौऱ्याची आहे. जेव्हा त्यांनी पाकिस्तानी पंचांच्या अप्रामाणिकपणामुळे विजयी सामना सोडला होता. बिशन सिंग बेदी यांच्या नेतृत्वाखाली अंशुमन गायकवाड, चेतन चौहान, कपिल देव आणि मोहिंदर अमरनाथ यांच्यासारख्या स्टार्सनी सजलेला संघ पाकिस्तानच्या दौऱ्यावर गेला होता. ही तीन एकदिवसीय सामन्यांची मालिका होती. पाकिस्तानच्या संघात इम्रान खान, जावेद मियांदाद आणि झहीर अब्बास या खेळाडूंचा समावेश होता.

दरम्यान, दि. ०३ नोव्हेंबर १९७८ रोजी खेळलेला हा सामना मालिकेतील शेवटचा सामना होता. यापूर्वी मालिका १-१ अशी बरोबरीत होती. क्वेटा येथे खेळला गेलेला पहिला सामना भारताने जिंकला होता तर सियालकोटमध्ये खेळला गेलेला सामना पाकिस्तानने जिंकला होता. तिसरा सामना साहिवाल येथे होता. या सामन्यात पाकिस्तानने नाणेफेक जिंकली आणि त्यांचा कर्णधार मुश्ताक मुहम्मदने प्रथम फलंदाजी करण्याचा निर्णय घेतला. आसिफ इक्बाल (६२) आणि माजिद खान (३७) यांच्याशिवाय इतर कोणत्याही पाकिस्तानी फलंदाजाला भारतीय गोलंदाजांचा सामना करता आला नाही.

सुरिंदर अमरनाथने ७५ चेंडूत ६२ धावांची शानदार खेळी खेळली तेव्हा चेतनने यष्टिरक्षक वसीम बारच्या हातून झेल गमावला. तो बाद झाल्यानंतर ३८ वे षटक सुरू असताना गुंडप्पा विश्वनाथ आला आणि खेळत होता.