'विकिपीडिया'ने नाव बदलले तर एलॉन मस्क देणार १ अब्ज डॉलर, जाणून घ्या मस्क यांनी कोणते नाव सुचवले?

नवी दिल्ली : ट्विटर विकत घेऊन त्याला 'एक्स' अशी ओळख देणारे उद्योगपती एलॉन मस्क यांनी विकिपीडियाला एक अब्ज डॉलर्स देण्याची ऑफर दिली आहे. मात्र त्यासाठी त्यांनी या ऑनलाइन विश्वकोशापुढे काही अटी ठेवल्या आहेत. यामध्ये विकिपीडियाचे नाव बदलण्याची अट त्यांनी घातली आहे.मस्क यांनी डाव्या उदारमतवादी माध्यमांवर टीका केली आहे, हे कोणापासून लपून राहिलेले नाही. ऑनलाइन विश्वकोशाचा डावा पक्षपातीपणाही सर्वज्ञात आहे. माहितीमध्ये फेरफार आणि तथ्यांचा विपर्यास केल्याबद्दल त्यांनी याआधी विकिपीडिया आणि त्याच्या अजेंडा-ओरिएंटेड संपादकांनाही फटकारले आहे.

विकिपीडिया सतत देणगीसाठी आवाहन करत आहे. मस्क यांना ही ते आवड नाही.दि. २२ ऑक्टोबर २०२३ रोजी त्यांचे एक जुने ट्विट रिट्विट करताना त्यांनी सांगितले की, जर विकिपीडियाने त्याचे नाव बदलले  तर ते त्यांना एक अब्ज डॉलर्स देतील. जुन्या ट्विटमध्ये त्यांनी एक स्क्रीनशॉट शेअर केला होता ज्यावर 'विकिपीडिया विक्रीसाठी नाही' असे लिहिले होते. मस्क यांनी झोपलेल्या चेहऱ्याच्या इमोजीसह हे ट्विट केले आहे.

 

मस्क यांनी विकिपीडियाचे नाव बदलण्याचे करण्याबाबतच्या एक अब्ज डॉलरच्या ऑफरची माहिती विकी पेजवर जोडण्यास सांगितले आहे. त्यांनी सांगितले की साइटचे नाव बदलण्याची त्यांची ऑफर 'अचूकतेसाठी' होती. मस्क विकिपीडियाबद्दल काय विचार करतात हे ते सांगते.पत्रकार एड क्रॅसेनस्टीन यांनी पैसे जमा केल्यानंतर ते त्यांच्या नावावर परत येऊ शकतात असे सांगत विकिपीडियाला प्रस्ताव स्वीकारण्यास सांगितले तेव्हा एलॉन मस्क यांनी सांगितले की नवीन नाव किमान १ वर्ष ठेवावे लागेल. मस्कने त्याला उत्तर दिले, “किमान एक वर्ष. म्हणजे, मी मूर्ख नाही."

हे लक्षात घेण्यासारखे आहे की एलॉन मस्क हे एक व्यावसायिक मॅग्नेट आहेत. ते इलेक्ट्रिक कार कंपनी टेस्ला, स्पेसक्राफ्ट निर्माता स्पेसएक्सचे प्रमुख आहेत आणि स्टारलिंक सॅटेलाइट इंटरनेट सेवा, इन्फ्रास्ट्रक्चर फर्म बोरिंग आणि सोशल मीडिया साइट X (पूर्वीचे ट्विटर) देखील चालवतात. ते Neuralink, OpenAI आणि PayPal चे सह-संस्थापक देखील आहेत.