ठाकरे गटाचा दसरा मेळावा शिवतीर्थावर!

मुंबई : दरवर्षीप्रमाणे यावर्षीसुद्धा मुंबईच्या शिवाजीपार्क येथे शिवसेनेच्या दसरा मेळव्याचे आयोजन करण्यात येणार आहे. मात्र गेल्या अनेक दिवसांपासून यंदा शिवाजी पार्कवर शिवसेनेच्या नक्की कोणत्या गटाचा दसरा मेळावा होणार याबाबत चर्चा सुरु होती. अखेर या प्रश्नाचा निकाला लागला असून ठाकरे गटाला मुंबई महापालिकेकडून शिवाजी पार्कवर दसरा मेळाव्याची परवानगी देण्यात आली आहे.

"यंदाचा दसरा मेळावा शिवाजी पार्कवर व्हावा अशी सर्व शिवसैनिकांची इच्छा आहे. कारण शिवसेना प्रमुखाला अपेक्षित असणारा शिवसैनिक राज्याचा मुख्यमंत्री आहे. सरकार म्हणून आम्ही कोणावर दबाव टाकला नाही. जे लोक आम्हाला सांगतात की, आम्ही दबावाचे राजकारण करतो त्यांनी हे लक्षात घ्यावे की, मुंबई महानगरपालिकेच्या आयुक्तांना फोन करुन आम्हाला परवानगी द्यावी हे सांगायला वेळ लागणार नाही, असा टोला शिंदे गटाच्या संजय शिरसाटांनी लगावला आहे.