'आदिपुरुष' प्रभासच्या हस्ते रावण दहन!

 

 

 

 

 

नवी दिल्ली: दक्षिण चित्रपट सृष्टीतील सुपरस्टार प्रभास लाल किल्ल्यावर होणाऱ्या ऐतिहासिक 'लव कुश रामलीला'च्या दसरा महोत्सवात प्रमुख पाहुणे म्हणून उपस्थित राहणार असून रावण दहन करणार आहे. गेल्या दोन वर्षात कोरोना संकटामुळे हा मोठा कार्यक्रम होऊ शकला नाही. पण यावेळी रामलीला आणि रावणदहन कार्यक्रमाला अनेक सुपरस्टार्स सहभागी होणार आहेत.

 

 

रावण दहनासाठी प्रभासची निवड झाल्याबद्दल बोलताना, 'लव कुश रामलीला' समिती अध्यक्ष अर्जुन कुमार म्हणाले, “दक्षिण फिल्म इंडस्ट्रीमध्ये खूप लोकप्रिय नाव असण्यासोबतच, प्रभास असे प्रोजेक्ट करत आहे ज्याची मुळे आमच्यात खोलवर रुजलेली आहेत. प्रभासने बाहुबली हा चित्रपट केला होता आणि त्याच्या आगामी 'आदिपुरुष' प्रकल्पातही तो रामची भूमिका साकारताना दिसणार आहे. त्यामुळे यंदा रावण दहन करण्यासाठी तो सर्वोत्तम पर्याय आहे असे आम्हाला वाटते."

 

 

प्रभास याला बोलावण्याचे प्रमुख कारण म्हणजे त्याची लोकप्रियता असल्याचे अर्जुन कुमार यांनी सांगितले. साऊथ फिल्म इंडस्ट्रीतील कलाकारांना आज भारतभर खूप लोकप्रियता मिळाली आहे. त्यात प्रभास आघाडीवर आहे. आम्हाला अजून इतर सेलिब्रिटींना आमंत्रित करायचे आहे, प्रभास येत असल्याने आम्हाला खूप आनंद होत आहे. या कार्यक्रमाला येऊन तो नवीन पिढी आणि तरुणांना आपल्या संस्कृतीकडे आकर्षित करेल. असे अर्जुन कुमार म्हणाले.

 

 

 

दसऱ्याला एकूण तीन पुतळे होणार असल्याचेही अर्जुन कुमार यांनी सांगितले. हे तीन पुतळे रावण, कुंभकरण आणि मेघनादाचा असेल. प्रभास ह्या तिन्ही पुतळ्यांचे दहन करेल. हे पुतळे १०० फूट उंच असतील. . लवकुश रामलीला समितीने पंतप्रधान नरेंद्र मोदी आणि अध्यक्ष द्रौपदी मुर्मू यांनाही आमंत्रित केले आहे. मात्र, या दोघांच्या उपस्थितीची पुष्टी अद्याप झालेली नाही.

 

 

 

 

पौराणिक ऐतिहासिक रामायणावर आधारित या चित्रपटात प्रभास रामाच्या भूमिकेत दिसणार आहे. तर क्रिती सेनॉन जानकी (सीता) आणि सैफ अली खान लंकेश (रावण) च्या भूमिकेत दिसणार आहे. आदिपुरुष १२ जानेवारी २०२३ रोजी जगभरातील सिनेमागृहात एकाच वेळी प्रदर्शित होणार आहे.

 

प्रभास त्याचा आगामी चित्रपट आदिपुरुषच्या प्रमोशनमध्ये व्यस्त आहे. आदिपुरुष हे महाकाव्य रामायणावर आधारित आहे, जे हिंदूंच्या विश्वासाचे आणि प्रेरणेचे प्रतीक आहे. या चित्रपटात प्रभास व्यतिरिक्त सोनल चौहान, सैफ अली खान आणि क्रिती सेनन यांच्या महत्त्वाच्या भूमिका आहेत.टी-सीरीज फिल्म्स आणि रेट्रोफिल्स या चित्रपटाची निर्मिती करत आहेत. एकाच वेळी हिंदी आणि तेलुगू या दोन्ही भाषांमध्ये त्याचे शूटिंग झाले आहे. तमिळ, मल्याळम आणि कन्नडमध्येही हा चित्रपट डब करून प्रदर्शित केला जाणार आहे.