ड्रोनद्वारे शस्त्रे पोहोचवल्याप्रकरणी जम्मू-काश्मीरमध्ये 'एनआयए'कडून तपास

"टीआरएफचे कार्यकर्ते एलईटीच्या पाकिस्तानी हँडलर्सच्या सतत संपर्कात होते आणि सांबा सेक्टरमधील आंतरराष्ट्रीय सीमेजवळील भारतीय हद्दीत ड्रोनद्वारे शस्त्रे, दारूगोळा आणि स्फोटके आणि इतर दहशतवादी हार्डवेअरची खेप मिळवत होते असे 'एनआयए'ने म्हटले आहे. अल्पसंख्याक, स्थलांतरित आणि सुरक्षा दलांवर दहशतवादी हल्ले करण्यासाठी काश्मीरमधील 'रेझिस्टन्स फ्रंट'च्या दहशतवाद्यांना या शस्त्रास्त्रांचा पुरवठा केला जात होता. कठुआमधील मारहीन भागातील चार घरांवर एनआयए छापे टाकले. डोडा जिल्ह्यातील खारोआ-भल्ला आणि जम्मूमधील तालब खाटिकन येथे घरांची झडती घेण्यात आली.

 

 

एनआयएने घेतलेल्या झडतीत विविध दोषी साहित्य, डिजिटल उपकरणे आणि कागदपत्रे जप्त करण्यात आली आहेत. गेल्या महिन्यात, पोलिसांनी 'एलईटी'च्या एका मॉड्यूलचा पर्दाफाश केला. या दरम्यान 'खतिकन तालब'चा नेता फैसल मुनीरसह सात सदस्यांना अटक केली. हे मॉड्यूल दोन वर्षांहून अधिक काळ कार्यरत होते आणि आंतरराष्ट्रीय सीमेवर पाकिस्तानी बाजूने ड्रोनद्वारे सोडण्यात आलेली शस्त्रे आणि स्फोटके गोळा करण्यात आणि आणण्यात गुंतले होते, असे पोलिसांनी सांगितले होते.