देशात न्यायाची सुलभता महत्वाची – पंतप्रधान नरेंद्र मोदी

नवी दिल्ली ,विशेष प्रतिनिधी : "कोणत्याही समाजासाठी न्याय व्यवस्थेत प्रवेश मिळणे जितके महत्त्वाचे आहे, तितकेच न्याय प्रदान करणेही महत्त्वाचे आहे. इज ऑफ डुइंग बिझनेस आणि इज ऑफ लिव्हिंग प्रमाणेच देशाच्या या अमृत महोत्सवी यात्रेत न्यायाची सुलभताही तितकीच महत्त्वाची आहे,", असे प्रतिपादन पंतप्रधान नरेंद्र मोदी यांनी केले. शनिवारी पहिल्या अखिल भारतीय जिल्हा विधी सेवा प्राधिकरणांच्या बैठकीच्या उद्घाटन सत्रादरम्यान ते बोलत होते. यावेळी सरन्यायाधीश न्यायमूर्ती एन व्ही रामण्या, न्या. उदय ललित, न्या. धनंजय चंद्रचूड, केंद्रीय कायदा मंत्री किरेन रिजिजू, उच्च न्यायालयांचे मुख्य न्यायाधीश, राज्य विधी सेवा प्राधिकरणांचे कार्यकारी अध्यक्षआणि जिल्हा विधी सेवा प्राधिकरणांचे अध्यक्ष यावेळी उपस्थित होते.