कोकणची मुलं हुश्शार!!!

 

 

  

 

मुंबई : महाराष्ट्र राज्य माध्यमिक आणि उच्च माध्यमिक शिक्षण मंडळ, पुणे (महाराष्ट्र बोर्ड) एसएससी बोर्डाचा निकाल शुक्रवारी १७ जून रोजी जाहीर झाला. यंदा राज्याचा निकाल ९६.९४ टक्के लागला आहे. कोकण विभाग अव्वल, तर नाशिक विभागाचा सर्वात कमी निकाल लागला आहे. नऊ विभागीय मंडळांमधून कोकण विभागाचा निकाल सर्वाधिक ९९.२७ टक्के, तर सर्वात कमी निकाल नाशिक विभागाचा ९५.९० टक्के लागला आहे. यावर्षी १५ लाख, ६८ हजार, ९७७ विद्यार्थ्यांकडून दहावीची परीक्षा देण्यात आली. त्यापैकी १५ लाख, २१ हजार, ००३ विद्यार्थी उत्तीर्ण झाले आहेत. यावर्षी पुनर्परीक्षार्थी उत्तीर्ण होण्याची टक्केवारी ७९.०६ टक्के इतकी आहे.

 

 

 

 

दरवर्षीप्रमाणे यंदाच्या निकालातही मुलींनी बाजी मारली आहे. यावर्षी ९७.९६ टक्के मुली उत्तीर्ण झाल्या आहेत, तर उत्तीर्ण होणार्‍या मुलांचे प्रमाण ९६.०६ टक्के आहे. म्हणजे परीक्षा देणार्‍या मुलांपेक्षा मुली उत्तीर्ण होण्याचे प्रमाण १.९० टक्क्यांनी जास्त आहे. या परीक्षेत दिव्यांग विद्यार्थी उत्तीर्ण होण्याचे प्रमाण ९४.४० टक्के इतके आहे. यंदाच्या वर्षी ६ लाख, ५० हजार, ७७९ विद्यार्थी विशेष प्रावीण्यासह उत्तीर्ण झाले आहेत. ५ लाख, ७० हजार, ०२७ विद्यार्थी प्रथम श्रेणीत २ लाख, ५८ हजार, ०२७; द्वितीय श्रेणीत तर ४२ हजार, १७० मुले उत्तीर्ण श्रेणीत उत्तीर्ण झाले आहेत.

 

 

 

 

राज्यातील १२ हजार, २१० शाळांचा निकाल १०० टक्के लागला आहे. मार्च २०२०च्या तुलनेत यावर्षी निकाल १.६४ टक्के जास्त लागला आहे. २०२० मध्ये ९५.३० टक्के होता. यावेळेस तो ९६.९४ टक्के आहे. १२२ विद्यार्थ्यांना १०० टक्के गुण आहेत, तर २९ शाळांचा निकाल शून्य टक्के आहे.

 

 

 

 

कोकण : ९९.२७ टक्के

नागपूर : ९७ टक्के 

पुणे : ९६.९६ टक्के

मुंबई : ९६.९४ टक्के

कोल्हापूर : ९८.५० टक्के

नाशिक : ९५.९० टक्के

अमरावती : ९६.८१ टक्के

औरंगाबाद : ९६.३३ टक्के

लातूर : ९७.२७ टक्के

राज्याचा निकाल : ९६.९४ टक्के