चला महसूलला जागे करुया या हॅशटॅग ला प्रचंड प्रतिसाद

 

 

 

 

मुंबई : महाराष्ट्र राज्यात मविआ सरकार आल्यापासून राज्य शासनाने उपजिल्हाधिकारी आणि तहसीलदार या पदांच्या जागा काढल्या नाहीत. राज्य शासनाकडून उपअधिक्षक प्रमाणे दरवर्षी उपजिल्हाधिकारी, उपअधिक्षक, तहसीलदार सह इतर ३२ संवर्गाचे मागणीपत्रक जाणे अपेक्षित असताना राज्यसेवा २०२२ साठी शासनाने ८ संवर्गाचे फक्त १६१ जागांचे मागणीपत्रक पाठवले आहे. यामुळे ४ लाखांहून अधिक उमेदवार नाराज आहेत.

 

 

रविवारी सकाळी १० वाजल्यापासून ट्विटरच्या माध्यमातून चला महसूलला जागे करुया या हॅशटॅग ला प्रचंड प्रतिसाद मिळाला. नुकतेच अनिल गलगली यांनी माहिती उघडकीस आणली होती की एकूण २९ शासकीय विभाग आणि जिल्हापरिषद यात मंजूर पदांची संख्या १०,७०,८४० इतकी आहे. ज्यापैकी ८,२६,४३५ ही पदे भरलेली आहेत. तर २,४४,४०५ ही पदे रिक्त आहेत. यात शासकीय कर्मचाऱ्यांची १९२४२५ तर जिल्हापरिषदेच्या ५१९८० अशी एकूण २४४४०५ पदे रिक्त आहेत. आरटीआय कार्यकर्ते अनिल गलगली यांनी लाखों उमेदवारांच्या समर्थनात ट्विट केले आणि राज्य शासनाला मागण्या पूर्ण करण्यासाठी विनंती केली आहे.