एसटी संपकऱ्यांचा संताप अनावर : सुप्रिया सुळे सिल्वर ओकवर दाखल

मुंबई : एसटी कर्मचाऱ्यांनी सील्वर ओक या शरद पवारांच्या निवासस्थानी जमत हल्लाबोल केला. आमच्या विलीनीकरणाबद्दलच्या मागणीवर सरकार कधीपर्यंत निर्णय घेणार, असा प्रश्न आंदोलकांनी विचारला आहे. दरम्यान, मध्यस्थी करण्यासाठी खासदार सुप्रिया सुळे यांनी संतप्त

सहा महिन्यांपासून न्याय हक्कांच्या प्रतीक्षेत असलेल्या एसटी कर्मचाऱ्यांच्या संयमांचा बांध अखेर फुटला. महाविकास आघाडीचे शिल्पकार असलेल्या राष्ट्रवादी काँग्रेसचे अध्यक्ष शरद पवारांविरोधात संताप व्यक्त करण्यात येत आहे. पवारांच्या घरावर एसटी कर्मचाऱ्यांनी धडक देत मोर्चा काढला. यावेळी कर्मचाऱ्यांनी चप्पल भिरकावत आंदोलन सुरू केले.

पवार स्वतःला महाविकास आघाडीचे शिल्पकार समजतात, राजकारणातील चाणाक्य मानतात. एसटी संपाबद्दल पवारांनी कधीही खुलेपणाने प्रतिक्रीया दिली नाही. शंभरहून अधिक एसटी कर्मचाऱ्यांना आपले प्राण गमवावे लागले. एसटी संपाबद्दल न्यायालयाने निर्णय दिलेला आहे. मात्र, इतक्या वेळेत पवारांनी कधीही तोडगा काढला नाही. उलट मंत्री अनिल परब सातत्याने येऊन कर्मचाऱ्यांवर कारवाईच्या धमक्या देत आहेत. याबद्दल संताप व्यक्त करत आंदोलकांनी शरद पवारांचा जोरदार निषेध व्यक्त केला.