देशाच्या अर्थव्यवस्थेत सर्वाधिक योगदान 'महाराष्ट्राचे' : मुख्यमंत्री

 

 

 

 

मुंबई : "कर संकलनात महाराष्ट्र राज्य हे देशात प्रथम क्रमांकाचं राज्य ठरलं आहे. जीएसटी विभाग देशाचा आणि राज्याचा मोठा आधार आहे. महाराष्ट्र देशाच्या अर्थव्यवस्थेत सर्वाधिक योगदान देणारे राज्य नसते तर देशाच्या अर्थव्यवस्थेला धक्का लागला असता. त्यामुळे महाराष्ट्राची बदनामी करू नका.", असा दावा राज्याचे मुख्यमंत्री उद्धव ठाकरे यांनी केला आहे. शनिवारी वडाळा येथे जीएसटी भवनाचे उद्घाटन पार पडले. त्यावेळी ते व्हिडीओ कॉन्फरन्सिंगद्वारे बोलत होते.

 

  

"मविआ सरकारमध्ये अजिबात मतभेद नाही. शिवसेना आणि राष्ट्रवादीमध्ये मतभेद असल्याचं वातावरण तयार केलं जात आहे. महाराष्ट्राची बदनामी करण्याचे कारस्थान विरोधाकांकडून सुरु आहे. महाराष्ट्र राज्य देशाच्या अर्थव्यवस्थेत सर्वाधिक योगदान देणारे राज्य नसते तर देशाच्या अर्थव्यवस्थेला धक्का लागला असता. त्यामुळे महाराष्ट्राची बदनामी करू नका.", असे मुख्यमंत्री म्हणाले.