"...अन्यथा यास सरकार जबाबदार राहिल!" : अमित साटम यांचे मुख्यमंत्र्यांना पत्र

 

 

 

मुंबई : सोमवार, दि. २८ फेब्रुवारी रोजी भाजप आमदार अमित साटम यांनी राज्याचे मुख्यमंत्री उध्दव ठाकरे आणि गृहमंत्री दिलिप वळसे पाटील यांना विनंती पत्र लिहिले आहे. मोहित कंबोज आणि त्यांच्या कुटुंबाला पोलीस संरक्षण देणेबाबतचा उल्लेख त्यांनी पत्राद्वारे केला आहे. तसेच त्यांच्याबाबतीत कोणतीही अनुचित घटना घडल्यास त्याला सरकार जबाबदार असेल, असेही ते पुढे म्हणाले.

 

 

 

"सतत राज्य सरकारविरोधी केलेली वक्तव्ये आणि महाविकास आघाडी सरकारच्या काही मंत्री/नेत्यांवरील शाब्दीक हल्ल्यांमुळे मोहित कंबोज भारतीय आणि त्यांच्या कुटुंबाला हानी पोहोचवण्याचा, हल्ला करण्याचा, संपवण्याचा सुनियोजित कट रचला जात आहे. विश्वरत्न डॉ. बाबासाहेब आंबेडकर यांनी रचलेल्या पवित्र राज्यघटनेचे आपण सर्वजण अनुयायी आहोत. सरकारविरोधी उठवले जाणारे आवाज, सरकारविरोधी मते यांना आपण सरकारात्मकतेने घेतलं पाहिजे. मात्र मोहित कंबोज भारतीय यांना तुरुंगात असलेल्या काही व्यक्ती आणि काही वरिष्ठ आयपीएस अधिकाऱ्यांच्या मदतीने हा सुनियोजित कट रचल्याचे दिसत आहे. मी तुम्हाला कळकळीने विनंती करतो की त्याला आणि त्याच्या कुटुंबाला पोलिस संरक्षण द्यावे. (जे २०२० मध्ये मागे घेण्यात आले आहे). या चिंतेला ध्वजांकित केल्यानंतरही जर संरक्षण दिले गेले नाही आणि कोणतीही अनुचित घटना घडली तर व्यक्त केलेल्या चिंतेकडे दुर्लक्ष करण्यासाठी सरकार जबाबदार असेल.", असे अमित साटम यांनी पत्राद्वारे म्हटले आहे.