अभिव्यक्ती की विकृती?

 

 

 

 

 

 

 

दुसरीकडे हे लोक रामायण-महाभारत घडलेच नाही असेही सातत्याने रडगाणे गातात. रामायण-महाभारत घडलेच नाही सगळे खोटे आहे, असे म्हणत हेच लोक रावणाची पूजा करण्याचाही पायंडा पाडण्याचा प्रयत्न करतात. इतके सगळे लिहिण्याचे कारण की, छत्रपती संभाजी महाराज नगरातीलडॉ. बाबासाहेब आंबेडकर मराठवाडा विद्यापीठामध्ये सध्या युवक महोत्सव सुरू आहे. या महोत्सवामध्ये एका सादरीकरणाला अखिल भारतीय विद्यार्थी परिषदेच्या कार्यकर्त्यांनी आक्षेप घेेतला आणि ते सादरीकरण बंद पाडले. त्यांच्या कृत्याचे समर्थन असमर्थन राहू दे. आपण घटना पाहू. रंगमंचावर रामायणावर आधारित असलेले हे सादरीकरण सुरू होते. प्रभू श्रीरामचंद्र इथे इंग्रजी बोलतात, इतर पात्रेही विनोदी अंगाने काहीबाही बोलतात आणि माता सीता ‘झाल्या तिन्ही सांजा’ म्हणत लावणीचे कडवे म्हणते. प्रत्येकवेळी या ना त्या मुखवट्याआडून हिंदूंच्याच श्रद्धांचा अपमान का? अखिल भारतीय विद्यार्थी परिषदेच्या कार्यकर्त्यांनी या विकृत प्रयोगाला बंद पाडले आणि भूमिका साकारणार्‍यांनी माफी मागावी अशी मागणी केली. या सगळ्यांचे अभिनंदन. कारण म्हातारी मेल्याचे दुःख नसते पण काळ सोकावतो आणि या असल्या विचारांच्या लोकांबाबत तर काळ फारच सोकावला आहे.