केडीएमसीच्या वाढीव मालमत्ता कर बिलाची होळी करू!

 

 

 

 

कल्याण डोंबिवलीतील २७ गावे पूर्णत वगळून त्यांची स्वतंत्र नगरपालिका तयार करा या मागणीसाठी २७ गाव संघर्ष हक्क संरक्षण समितीची मानपाडेश्वर मंदिरात नुकतीच बैठक घेण्यात आली. यावेळी समितीने हा इशारा दिला आहे. संघर्ष समितीतील सदस्यांनी २७ गावांतील विविध विषयांवर चर्चा केली. यावेळी चंद्रकांत पाटील, गंगाराम शेलार, गुलाब वझे आदी सदस्य उपस्थित होते.

 

चंद्रकांत पाटील म्हणाले, या परिसरात मेगा सिटी प्रकल्प येत आहे. दहा गावांचे ग्रोथ सेंटर असताना सुध्दा त्यांना शंभर एकर पेक्षा जास्त जागा घेतल्यामुळे त्यांना परवानगी दिली आहे. ते या परिसरात आल्यानंतर वाहतूक , शिक्षण अशा सर्वावरच ताण पडणार आहे. रुनवाल हा प्रकल्पाच्या जागेत प्रिमियर कंपनी होती. त्या ठिकाणी उद्योग उभा राहिला असता तर अनेकांना रोजगार मिळाला असता. या परिसरातील नागरिकांच्या अडचणीत वाढ झाली आहे. ग्रोथ सेंटर हे केवळ भूत आमच्या अंगावर सोडले आहे. ग्रोथ सेंटरमुळे १० गावातील लोकांना बांधकाम परवानगी मिळत नाही. त्यामुळे ग्रोथ सेंटर बंद करण्यासाठी आम्ही प्रयत्न करणार असल्याचे त्यांनी सांगितले.