तेजिंदर सिंह तिवांनांकडून भाजयुमो मुंबईच्या नव्या कार्यकारिणीची घोषणा

मुंबई : राज्याचे माजी मुख्यमंत्री आणि विधानसभेचे विरोधी पक्षनेते देवेंद्र फडणवीस आणि मुंबई भाजप अध्यक्ष मंगलप्रभात लोढा यांच्या मार्गदर्शनाखाली भारतीय जनता युवा मोर्चाचे मुंबई अध्यक्ष तेजिंदर सिंह तिवाना यांनी नुकतीच आपल्या नव्या कार्यकारिणीची घोषणा केली आहे.

 

 

या नव्या कार्यकारिणीमध्ये समाजातील सर्व घटकांमधील तरुणांना स्थान दिले आहे. भाजयुमो मुंबईच्या नव्या कार्यकारिणीमध्ये सहा मराठा, पाच ओबीसी, पाच उत्तर भारतीय, चार राजपूत, दोन ब्राह्मण, दोन दक्षिण भारतीय, दोन गुजराती, दोन अनुसूचित जाती/जमाती आणि एक सिंधी आणि मारवाडी तरुणांना प्रतिनिधित्व देण्यात आले आहे.

 

 

अर्जुन मेघे, रोहन देसाई, विराज चोडणकर, रितेश सावंत, आशुतोष ठाकर, प्रवीण भानुशाली, दीपक सिंह, राहुल गुप्ता आणि आदित्य सिंह यांना तिवानाच्या संघात उपाध्यक्ष बनवण्यात आले आहे. कमलेश डोके, मिलिंद वाडेकर आणि संतोष पालेकर यांना सरचिटणीसाची जबाबदारी देण्यात आली आहे. डॉ. केयूर प्रामाणिक, अजेश हेगडे, राजेंद्र मोरे, अ‍ॅड. राजू चव्हाण, प्रद्युम्न सावंत, अविनाश दुलगच, जयकुमार थेवर, नितीन गुप्ता आणि विकेश जैन यांना सचिव पदाची जबाबदारी देण्यात आली आहे.

जुन्या कार्यकारिणीमधील सोशल मीडिया संयोजकाचे पद भूषवलेल्या वेदांत लालवानी यांना पुन्हा तीच जबाबदारी देण्यात आली आहे. त्याच्यासोबत निहाल स्वरूप आणि प्रणवसिंह ठाकूर यांना सोशल मीडियामध्ये सह-संयोजकाची जबाबदारी देण्यात आली आहे.

 

 

याबाबत तिवाना म्हणाले की, “भाजयुमोमध्ये प्रत्येक विभाग, भाषा आणि प्रदेशातील तरुणांना योग्य प्रतिनिधित्व देण्यात आले आहे. ही नवी कार्यकारिणी पूर्णपणे संतुलित असून तरुणांच्या हितासाठी काम करेल.”