पुलवामामध्ये झालेल्या चकमकीत लष्कर कमांडर अबू हुरैरा ठार
Total Views |
श्रीनगर : भारतीय सुरक्षा दलांनी गेल्या महिन्याभरात तब्बल १२ दहशतवाद्यांचा खात्मा केला आहे. बुधवारी पहाटे सुरक्षा दलांनी पुलवामा येथे झालेल्या चकमकीत तीन दहशतवाद्यांचा खात्मा केला. यामध्ये पाकिस्तानी लष्करचा कमांडर एजाज उर्फ अबू हुरैराचा समावेश होता. इतर दोन स्थानिक दहशतवाद्यांचा समावेश आहे.
जुलैच्या १४ दिवसांत जम्मू-काश्मीरमध्ये १२ दहशतवादी ठार झाले आहेत. सर्व प्रथम, २ जुलै रोजी पुलवामा येथेच सुरक्षा दलाच्या चकमकीत ५ दहशतवादी ठार झाले. यानंतर ८ जुलै रोजी राजौरीमध्ये २ पाकिस्तानी दहशतवादी ठार झाले. या कारवाईत कनिष्ठ आयुक्त अधिकाऱ्यांसह दोन सैनिक शहीद झाले. त्यानंतर १२ जुलै रोजी राजौरी जिल्ह्यातील सुंदरबनी सेक्टरमधील दादालाच्या जंगलात सुरक्षा दलाने तीन दहशतवाद्यांचा खात्मा केला होता.
