मुंबई : मुंबई भाजप अनुसूचित जाती मोर्चाच्या वतीने मुंबई भाजपचे अध्यक्ष आणि आमदार मंगल प्रभात लोढा यांच्या नेतृत्वाखाली मुंबई भाजप अनुसूचित जाती मोर्चाचे अध्यक्ष शरद कांबळे यांच्या मार्गदर्शनाखाली २६ नोव्हेंबर २०२१ रोजी संविधान गौरव दिनानिमित्त संपूर्ण मुंबई शहरात भारतीय संविधान गौरव दिनाचे आयोजन करण्यात आले आहे. मुंबई भाजपच्या अनुसूचित जाती मोर्चातर्फे संपूर्ण मुंबई शहरात भारतीय संविधान गौरव दिन साजरा करण्यात येणार आहे. हा कार्यक्रम मुंबईच्या अनेक विभागांमध्ये साजरा करण्यात येणार असून प्रमुख पाहुणे म्हणून अनुसूचित जाती मोर्चा राष्ट्रीय महामंत्री महंत शंभूनाथ टुंडिया उपस्थित राहणार आहेत. यावेळी मुंबई भाजपचे नेते, आमदार, नगरसेवक, पदाधिकारी उपस्थित राहणार आहेत, असे मुंबई भाजपतर्फे सांगण्यात आले आहे.