नवाब मलिकांविरोधात मुंबई भाजप आक्रमक

 

 

 

 

मुंबई : गेल्या महिनाभरापासून राज्याच्या राजकारणात आरोप प्रत्यारोपांची मोठी शृंखला तयार झाल्याचे दिसून येत आहे. पहिल्या टप्प्यात मुंबई एनसीबी विरुद्ध नवाब मलिक असा रंगलेला हा वाद नवाब मलिक विरुद्ध भाजप या टप्प्यावर येऊन पोहोचला आहे. त्यातच नवाब मलिक यांनी विरोधी पक्षनेते देवेंद्र फडणवीस यांच्यावर केलेल्या आरोपांमुळे मलिक हे भाजपच्या निशाण्यावर आले होते. त्यावर देवेंद्र फडणवीस आणि भाजपच्या वतीने देखील मालिका यांना जोरदार प्रत्युत्तर देण्यात आले आहे. त्याचाच एक भाग म्हणून बुधवार, दि. १० नोव्हेंबर रोजी मुंबई भाजपच्या वतीने नरिमन पॉइंट येथील भाजपा महाराष्ट्र प्रदेश कार्यालय परिसरात नवाब मलिक यांच्या पुतळ्याचे दहन करण्यात आले.

 

यावेळी भाजप कार्यकर्त्यांनी नवाब मलिक यांच्या विरोधात घोषणा दिल्या गेल्या. तसेच नवाब मलिक यांनी आपल्या मंत्री पदाचा राजीनामा द्यावा अशी मागणी मुंबई भाजपचे अध्यक्ष व आमदार मंगल प्रभात लोढा यांनी केली आहे.