नववर्षाच्या पहिल्या दिवशी मुंबईला वायू प्रदूषणाचा विळखा

राज्यात थंडीचा पार वाढल्यापासून हवेची गुणवत्ता ढासळू लागली आहे. गेल्या काही दिवसांपासून मुंबई, पुणे, नाशिक सारख्या शहरात थंडीचा जोर वाढला आहे. मुंबईत १५ अंशापर्यंत, तर नाशिक-पुण्यात ५ ते ६ अंशापर्यंत तापमान उतरले आहे. तापमानातील बदलाचा हा परिणाम येत्या काही दिवसांमध्ये कायम राहणार आहे. त्यामुळे वायू प्रदूषणातील वाढीमध्येही सातत्य राहण्याची शक्यता आहे. हवेमधील २.५ पीएम हे कण प्रदूषणास कारक असतात. उन्हाळ्यातील उष्ण हवा हलकी असल्याने हे प्रदूषित कण हवेसोबत उंचावर वाहून जातात. मात्र, हिवाळ्यात हवेतील आर्द्रता वाढते. त्यामुळे रात्री आणि पहाटेच्या वेळी धूलीकण जमिनीलगतच राहतात. परिणामी हिवाळ्यात धूर आणि धूक्यांचे मिश्रण होऊन धूरके तयार होते. त्यामुळे हवेचे प्रदूषण वाढते.