राज्याला केंद्रातर्फे ११.७८ लाख पीपीई किट्सची मदत

 

कोविड-१९ संबधित सुविधा वाढवण्यासोबतच केंद्र, राज्ये आणि केंद्रशासित प्रदेशांना वैद्यकिय साहित्याचा विनामूल्य पुरवठा करत आहे. भारत सरकारने पुरवठा केलेले बरेचसे साहित्य हे सुरुवातीला देशात उत्पादित केलेले नव्हते, तसेच महामारीच्या काळात जागतिक पातळीवर असलेल्या वाढीव मागणीमुळे विदेशी बाजारात सहजपणे उपलब्धही नव्हते.

१ एप्रिल २०२० पासून केंद्राने २.०२ कोटींपेक्षा जास्त एन-९५ मास्क्स आणि १.१८ कोटींहून जास्त पीपीई संच राज्ये आणि केंद्रशासित प्रदेशांना विनामूल्य वितरीत केले. याशिवाय ६.१२ कोटींहून जास्त HCQ गोळ्याही त्यांना वितरित केल्या. याशिवाय आतापर्यंत ११,३०० ‘मेक इन इंडिया’ व्हेंटिलेटर्स विविध राज्ये/केंद्रशासित प्रदेश, केंद्रीय संस्था यांना पाठवण्यात आले त्यापैकी ६१५४ व्हेंटिलेटर विविध रुग्णालयापर्यंत पोचवले आहेत.



 आरोग्य मंत्रालयाने १.०२ लाख ऑक्सिजन सिलेंडर राज्ये/केंद्रशासित प्रदेशांना पाठवले त्यापैकी ७२,२९३ हे थेट ऑक्सिजन बेडला लावता येण्यासारखे होते. आतापर्यंत, आरोग्य मंत्रालयने ७.८१ लाख पीपीई आणि १२.७६ लाख एन९५ मास्क दिल्लीत, ११.७८ लाख पीपीई आणि २०.६४ लाख N९५ मास्क महाराष्ट्रात, आणि ५.३९ लाख पीपीई आणि ९.८१ लाख एन९५ मास्क तामिळनाडूला दिले आहेत.