भारतीय वायुसेना प्रमुखांनी लेह-लडाख सीमेवर जाऊन घेतला परिस्थितीचा आढावा

लेह : भारतीय सीमेवर भारत आणि चीन यांच्यात सुरू असलेल्या वादादरम्यान भारतीय वायुसेनेचे प्रमुख एअर चीफ मार्शल आर के एस भदोरिया दोन दिवसांच्या लेह आणि श्रीनगर दौर्‍यावर होते. सीमावादाच्या पार्श्वभूमीवर, वायुसेनेने आपले सैनिक आणि सैन्य मालमत्ता हवाई तळांवर तैनात करण्यास सुरवात केली आहे. जेणेकरून पूर्व लडाखमध्ये संकटसमयी मोहीम राबविली जाऊ शकेल.

लडाखच्या गलवान खोऱ्यात चिनी सैन्यासह झालेल्या हिंसक चकमकीत २० जवान शहीद झाल्यानंतर देशाच्या उच्च अधिकाऱ्यांनी सद्यस्थिती आणि सैन्यदलाचा आढावा घेतल्यानंतर हवाई दलाची भेट अत्यंत महत्वाची ठरली. सरकारच्या सूत्रांनी वृत्तसंस्था एएनआयला सांगितले की हवाई दल प्रमुख भदोरिया हे दोन दिवसांच्या लेह-श्रीनगर दौर्‍यावर गेले होते. तेथे पूर्व लडाखमध्ये चिनी सैन्याने केलेल्या हल्ल्यानंतर त्याभागात स्थलांतरित करण्यात आलेल्या सर्व पर्यायांची पाहणी केली. चिनी सैन्याने देखील प्रत्यक्ष नियंत्रण रेषेत (एलएसी) १०,०००हून अधिक सैन्य जमवले आहे.

सूत्रांनी सांगितले की, दौर्‍याच्या पहिल्या टप्प्यात ते १७ जूनला लेह येथे पोहोचले आणि तेथून ते १८ जूनला श्रीनगर एअरबेसवर गेले. दोन्ही हवाईतळ पूर्वच्या लडाख क्षेत्राशेजारीच आहेत आणि या दुर्गम पर्वतीय प्रदेशात कोणतेही लढाऊ विमान कारवाई करण्यास सक्षम आहे. येथून चिनी सैनिकांवर विजय देखील मिळवता येईल. हवाई दलाचे प्रवक्ते विंग कमांडर इंद्रनील नंदी यांना एअर चीफच्या लेह आणि श्रीनगर दौऱ्याबद्दल विचारले असता त्यांनी भाष्य करण्यास नकार दिला. दरम्यान, वायुसेनेने आपले प्रमुख फ्रंटलाइन विमान सुखोई -३० एमकेआय, मिराज २००० आणि जग्वार कॉम्बॅट एअरक्राफ्ट फ्लीट ही विमान या जागांवर हलविले आहे जिथून ते कोणत्याही लढाऊ ऑपरेशन्ससाठी फारच कमी कालावधीत भरारी घेतील.

त्याचबरोबर पूर्व लडाख सेक्टरमध्ये भारतीय लष्कराच्या जवानांना हवाई सहाय्य देण्यासाठी चिनी सैन्याकडून कारवाई केली जात असलेल्या भागातील जवळच्या भागात अमेरिकन अपाचे हेलिकॉप्टर तैनात केले आहेत. भारतीय सैन्याच्या वाहतुकीची गती वाढवण्यासाठी आणि आंतर-व्हॅलीच्या सैन्याच्या हस्तांतरणाची क्षमता वाढविण्यासाठी लेह एअरबेस व त्याच्या आसपास चिनूक हेलिकॉप्टर्स तैनात केली आहेत. जेणेकरून आपत्कालीन परिस्थितीवर सामोरे जात यावे. एमआय -१७व्ही ५ मध्यम-लिफ्ट हेलिकॉप्टर्स सैन्य आणि भौतिक वाहतुकीच्या क्षेत्रात देखील सक्रिय भूमिका बजावत आहेत.