'रिअल हिरो' सोनू सूदचे राज्यपालांनी केले कौतुक

अभिनेता सोनू सूदने काही दिवसांपूर्वी कर्नाटकला जाणाऱ्या मजूरांसाठी बसची सोय केली होती. कर्नाटकच्या प्रवासी मजूरांनंतर सोनूने उत्तर प्रदेश, बिहार आणि झारखंडच्या प्रवासी मजूरांची घरी जाण्याची व्यवस्था केली. केरळमध्ये अडकलेल्या ओडिशाच्या १००पेक्षा जास्त मजुरांना तर सोनू सूदने विमानाने आपल्या राज्यात पाठवले होते.सोशल मीडियावर सोनूचे खूप होत आहे. सोनूच्या मदतीनेच एक महिला बिहारमधील तिच्या गावी पोहोचली. ही महिला गरोदर होती आणि तिथे पोहोचल्यानंतर एकदम अनोख्या पद्धतीने तिने सोनूचे आभार मानले आहेत. याविषयी एका वृत्तवाहिनीला मुलाखत देताना सोनूने सांगितले,'मी ज्या लोकांना त्यांच्या घरी पाठवले त्यातील एका महिलेने बाळाला जन्म दिला आहे. तिने माझ्या नावावर तिच्या झालेल्या बाळाचे नाव ठेवले आहे.'