धक्कादायक ! राज्यातील १२७३ पोलीस कर्मचारी कोरोनाच्या विळख्यात
Total Views |
मुंबई : महाराष्ट्रातील कोरोना रुग्णांची संख्या दिवसेंदिवस वाढतच आहे. अशातच अत्यावश्यक सेवा देणाऱ्या डॉक्टर, आरोग्य कर्मचारी व कर्तव्यात असणाऱ्या पोलीस अधिकारी व कर्मचाऱ्यांनाही कोरोनाने आपल्या विळख्यात घेतले आहे.
1273 personnel of Maharashtra Police including 131 officers have contracted #COVID19 so far. Out of the total cases, 291 police personnel have recovered while 11 others succumbed to the infection: Maharashtra Police pic.twitter.com/ca93IWCB1s
— ANI (@ANI) May 18, 2020
महाराष्ट्र पोलिसांनी एका वृत्तसंस्थेला दिलेल्या माहितीनुसार, गेल्या २४ तासांत ६७ पोलिस कर्मचाऱ्यांच्या कोरोना चाचण्या पॉझिटिव्ह आल्या आहेत. त्यामुळे आता महाराष्ट्रातील कोरोनाबाधित पोलीस कर्मचाऱ्यांची संख्या १२७३ वर गेली आहे. या एकूण संख्येपैकी १३१ पोलिस अधिकारी आहेत तर ११४२ पोलिस कर्मचारी आहेत. राज्यात आतापर्यंत ११ पोलिस कर्मचार्यांचा बळी गेला आहे. यात एक दिलासादायक बाब म्हणजे २९१ पोलिस कर्मचारी बरे झाले आहेत. आरोग्य व कुटुंब कल्याण मंत्रालयाच्या म्हणण्यानुसार महाराष्ट्रात कोरोना पॉझिटिव्ह रुग्णांची एकूण संख्या ३३०५३ वर पोहोचली आहे.