'या' कंपन्यांना ३१ जुलैपर्यंत 'वर्क फ्रॉम होम' करण्याची सूट!
Total Views |
केंद्रीय माहिती आणि तंत्रज्ञान मंत्री रविशंकर प्रसाद यांची मोठी घोषणा
नवी दिल्ली : आयटी आणि बीपीओ कंपन्यांनी कर्मचार्यांना ‘वर्क फ्रॉम होम‘ करण्यास ३१ जुलैपर्यंत सूट द्यावी, अशा सूचना केंद्रीय माहिती आणि तंत्रज्ञान मंत्री रविशंकर प्रसाद यांनी दिल्या. ‘कोरोना’च्या पार्श्वभूमीवर लॉकडाऊन जाहीर होण्याच्या आधीपासूनच आयटी कर्मचारी घरुन काम करत आहेत.
सध्या एप्रिल अखेरपर्यंत कर्मचार्यांना ‘वर्क फ्रॉम होम’ करण्याच्या पर्यायाला परवानगी होती. दूरसंचार विभागाने यापूर्वी ही सवलत एक महिन्यापर्यंत वाढवली होती, परंतु प्रसाद यांनी ३१ जुलैपर्यंत ही सवलत लागू असल्याचे स्पष्ट केले. आतापर्यंत जवळपास गेला दीड महिना देशभरातील अनेक आयटी कर्मचारी ‘वर्क फ्रॉम होम’ करत आहेत.
Wish to clarify that it is not extension of #WFH.
— Ravi Shankar Prasad (@rsprasad) April 28, 2020
In response to IT Industry’s request to facilitate WFH for OSPs, @DoT_India had relaxed terms & conditions for VPN till 30.4.20.
After discussions with IT Ministers this relaxation in terms & conditions is extended till 31.7.20 https://t.co/UwSH704xc5
‘नॅसकॉम’ या आयटी इंडस्ट्रीतील संघटनेने ही महत्त्वाची मागणी केली होती. महिन्या-महिन्याला मुदतवाढ देण्याऐवजी स्थिर धोरण आणण्याची आवश्यकता असल्याचे ‘नॅसकॉम’चे म्हणणे आहे. आयटी कंपन्यांना नियमांमध्ये हवी असलेली सूट त्यांना देणार असल्याचे आश्वासनही त्यांनी दिले.
लॉकडाऊनमध्ये सूट मिळाली, तरी कंपन्यांनी कर्मचाऱ्यांना कामावर बोलावू नये, यासाठी रविशंकर प्रसाद यांनी घोषणा केली आहे. इंटरनेटचा वेग कायम ठेवण्यासाठी ‘भारतनेट’ची मदत घेणार असल्याचेही प्रसाद म्हणाले.