‘विकेटकीपर’ ते ‘टीम सिलेक्टर’!

 

यष्टीरक्षक नयन मोंगिया यांच्या अनुपस्थितीत यष्टीरक्षक म्हणून त्यांची निवड झाली. एम. एस. के. प्रसाद यांनी एकूण सहा कसोटी, तर १७ एकदिवसीय सामने खेळल्याचा इतिहास आहे. एका सामन्यादरम्यान उजव्या हाताला दुखापत झाल्याने बरेच महिने ते मैदानापासून दूर राहिले. बरेच महिने क्रिकेटपासून दूर राहिल्याने त्यांना पुनरागमन करणे अशक्य झाले. वयाच्या ३३व्या वर्षी त्यांनी सर्व प्रकारच्या क्रिकेटमधून निवृत्ती स्वीकारली. मात्र, त्यांनी क्रिकेट सोडले नाही. आंध्रप्रदेशमधील मुलांना क्रिकेटचे प्रशिक्षण देण्यास सुरुवात केली. प्रसाद यांनी दिलेल्या प्रशिक्षणातून अनेक खेळाडू घडत असल्याचे लक्षात आल्यानंतर विविध संघांकडून त्यांना प्रशिक्षक पदासाठी ‘ऑफर’ येऊ लागल्या. भारतीय ‘अ’ संघाच्या मुख्य प्रशिक्षक पदाचीही जबाबदारी त्यांनी सांभाळली. प्रशिक्षकाच्या भूमिकेत त्यांनी बजावलेल्या भूमिकेची दखल घेत त्यांची निवड भारतीय संघाच्या निवड समितीच्या अध्यक्षपदी करण्यात आली. ‘विकेटकीपर’ ते ‘टीम सिलेक्टर’ असा प्रवास करणार्‍या प्रसाद यांना दै. ‘मुंबई तरुण भारत’चा सलाम...!