नाशिकमध्ये झाकीर हुसेन हॉस्पिटल कोरोनांसाठी राखीव

 कुठल्याही प्रकारच्या प्रतिबंधात्मक आदेशांची अंमलबजावणी करतांना जनता व नागरिक गुन्हेगार नाहीत याची जाणीव ठेऊन वागणूक द्यावी.

 राज्यासह जिल्ह्यात संचारबंदी लागू.

 जिल्ह्यात सर्वत्र 144 ची अंमलबजावणी.

 सर्व प्रकारच्या कायदेशीर कारवाईला सर्व यंत्रणांना मुभा देण्यात येत आहे. परंतु या कारवाईला मानवी चेहरा असावा.

 जिल्ह्यातील सर्व यंत्रणांचा नियमित आढावा घेऊन उपाययोजनांबाबत वेळोवेळी सूचना दिल्या जात आहेत.

 लोकांनी 'जनता कर्फ्युला' उत्स्फुर्त प्रतिसाद दिला परंतू अजुनही गर्दी टाळली पाहिजे.

 लोकांनी परिस्थितीचे गांभीर्य लक्षात घेऊन घाबरुन न जाता यात आपली जबाबदारी ओळखली पाहिजे.

 25 मार्च 2020 च्या सकाळी 6 वाजेपासून जिल्ह्याच्या सिमा बंद राहतील. जिल्ह्यात येण्यास व जिल्ह्यातून बाहेर जाण्यास पूर्णत: मज्जाव असेल.

 अत्यावश्यक सेवा वगळता कुठलीही वाहने अन्य कामांसाठी फिरणार नाहीत.

 ऑटो रिक्षामध्ये 1 वाहनचालक + 1 प्रवासी = 2 इतक्या लोकांना प्रवास करता येणार.

 अत्यावश्यक सेवा वगळता कारण नसतांना शहरात फिरणाऱ्या वाहने व लोकांवर पोलीस कारवाई करणार.

 पेट्रोल पंपावरील गर्दी नियंत्रणात आणण्यासाठी दुचाकी वाहनाला रुपये 100/- व चारचाकी वाहनाला रुपये 1000/- चे इंधन देणार.

 जादा इंधन घेणाऱ्यांवर लक्ष ठेवणार व कारवाई करणार.

 भाजीपाला विक्रीसाठी वेगवेगळ्या ठिकाणी जागा निश्चित करुन देणार. एकाच ठिकाणी भाजीपाला खरेदीसाठी लोकांची गर्दी होणार नाही, याची काळजी घेणार.

 फिरत्या वाहनांमधून अत्यावश्यक वस्तूंच्या विक्रीला प्राधान्य देणार.

 बाजार समित्यांमधील गर्दी नियंत्रणात आणण्यासाठी वेगवेगळ्या ठिकाणी लिलाव व विक्रीची सुविधा करण्याचे आदेश.

 शेतकरी स्वत: बाजार समितीच्या बाहेर माल विकत असेल तर त्यास गर्दी टाळण्याच्या अटीवर मान्यता.

 जिल्ह्यात विविध ठिकाणी सध्या 500 क्वारंटाइन रुग्ण

 आंतरराष्ट्रीय विमानसेवा बंद असल्यामुळे बाहेरुन येणाऱ्यांची भिती नाही. जिल्ह्यात आता कोरोनाग्रस्त जिल्हयातून येणाऱ्या संशयतीवर प्रशासनाची करडी नजर.

 प्रशासनाची नजर चुकवुन काही आंतरराष्ट्रीय प्रवासी शहरात असतील त्यांचा शोध घेणार त्यांना खाजगी रित्या/सरकारी क्वारंटाइनच्या सूचना देणार.

 अन्नधान्य पुरवठा, वैद्यकीय सेवा सुविधांसाठी सुरु असलेल्या भाजीपाला वाहतूक करणाऱ्या वाहनांना सेवा देण्यास मुभा.

 कुठल्याही प्रकारच्या मांस विक्रीवर बंदी घातलेली नाही.

 टप्प्या टप्प्याने जीवनावश्यक वस्तू विक्रीसाठी बसणाऱ्यांना विशिष्ट काळासाठी परवानगी देणार.

 बचतगटाच्या माध्यमातून चांगल्या दर्जाचे कापडी मास्क बनविण्याचे काम जिल्हा परिषदेच्या माध्यमातून सुरु आहे.

 सर्व प्रकारची औषधे, व्हेटींलायझर्स यांच्या उपलब्धतेवर मोठ्या प्रमाणावर भर.

 जिल्ह्यात नाशिक मनपाकडे 6 तर जिल्ह्यात सरकारी व खाजगी मिळून एकूण 146 व्हेटींलायझर्स आहेत.

 घरी राहुन काम करण्यावर भर देण्यात यावा.

 काही कुटूंबांमध्ये सदस्य संख्या जास्त असल्यामुळे त्यांना खुप वेळ घरात राहता येणार नाही. याची जाणीव ठेऊन त्यांना विखुरलेले ठेवण्यासाठी उपाययोजना करण्याच्या सूचना.

 सर्व प्रकारच्या धार्मिक स्थळावर कुठल्याही प्रकारची गर्दी होणार नाही याची काळजी घ्या.

 शासन सर्व काही जनतेसाठी करते आहे जनता आणि प्रशासन यांच्या समन्वयाने काम करण्यावर भर देणार.

 प्रशासनाच्या समन्वयाला न जुमानणाऱ्या लोकांनी त्यांच्यावर कठोर कारवाई करण्याची वेळ येणार नाही याची काळजी घ्यावी.

 जिल्ह्यातील सर्व अधिकारी व कर्मचारी अत्यंत चांगले काम करत आहेत. जनतेनेही त्यांना चांगला प्रतिसाद दिला आहे.

 आज लागू केलेली संचारबंदी ही अल्पकाळासाठी असावी असे वाटत असेल तर शासनाने दिलेल्या सर्व सूचनांचे पालन करा, गर्दी टाळा.

 जेथे काळा बाजार होत असेल, गर्दी होत असेल त्याची सूचना तात्काळ प्रशासनाला हेल्पलाईन क्रमांक 104 वर अथवा 100 वर करावी.

 ज्या पाश्चिमात्य देशांमध्ये या रोगाची लागण झाली आहे व लोक मृत्युमुखी पडता आहेत त्या देशात लोकांवर अत्यंत कडक निर्बंध लादले असुन आपल्यावर ती वेळ येणार नाही याची नागरिकांनी काळजी घ्यावी.

 स्वयंस्फुर्तीने बंद पाळणाऱ्यांचे स्वागत.