जामिया विद्यापीठामध्ये अज्ञातांकडून गोळीबार
@@NEWS_SUBHEADLINE_BLOCK@@
Total Views |
नवी दिल्ली : दिल्लीमधील जामिया परिसरातील गोळीबार आणि शाहीन बागमधील आंदोलन सुरु असतानाच गोळीबार यानंतर पुन्हा एकदा जामिया विद्यापीठामध्ये गोळीबाराची घटना घडली. जामिया मिलिया इस्लामिया विद्यापीठाच्या गेट नंबर ५ जवळ हा गोळीबार झाला. या गोळीबारात कोणतीही जीवितहानी झाली नसल्याची माहिती पोलिसांनी दिली आहे. दोन दिवसांपूर्वीच जामिया विद्यापीठाच्या विद्यार्थ्यांनी काढलेल्या मोर्चादरम्यान एका तरुणाने केलेल्या गोळीबारात एक विद्यार्थी जखमी झाला होता. तर, शाहिनबागमध्ये आंदोलनादरम्यान दुसरा गोळीबार झाला होता.
स्कुटरवरून दोन संशयित व्यक्ती विद्यापीठ परिसरातील गेट नंबर पाच जवळ आले. त्यातील एका व्यक्तीने लाल रंगाचे जॅकेट परिधान केले होते. शाहीन बागपासून दोन किमी दूर असलेल्या गेटजवळच हा गोळीबार झाला असल्याची माहिती प्रत्यदर्शींनी पोलिसांनी दिली. या प्रकारामुळे पुन्हा एकदा नागरिकांमध्ये खळबळ उडाली. ३० जानेवारीला जामिया विद्यापीठाच्या विद्यार्थ्यांनी आयोजित केलेल्या मोर्चादरम्यान गोळीबार झाल्याची घटना घडली होती. सीएए आणि एनआरसी विरोधात दिल्लीच्या राजघाटपासून विद्यापीठापर्यंत विद्यार्थ्यांचा मोर्चा सुरू असताना यावेळी एका तरुणाने गोळीबार केला होता. यात एक विद्यार्थी जखमी देखील झाला होता.
@@AUTHORINFO_V1@@