शाहीन बाग आंदोलकांविरोधात नागरिक रस्त्यावर

आंदोलनात सहभागी झालेले नागरिकांनी आम्ही कोणत्याही राजकीय पक्षाचे नाही, असे सांगत आहेत. पोलिसांनी हस्तक्षेप केल्यानंतर सर्व नागरिकांनी धरणे धरले. तसंच घोषणाबाजी करत होते. पोलीस अधिकारी चिन्मय बिस्वास हे देखील घटनास्थळी पोहोचले. मिळालेल्या माहितीनुसार, शाहीन बाग आंदोलकांपासून हे लोक ३०० मीटर अंतरावर आहेत. आंदोलनात सहभागी झालेल्या नागरिकांमध्ये फरीदाबाद, बागपत, वल्लभगड येथूनही आलेले नागरिक आहेत. आंदोलनामुळे आम्हाला काहीच त्रास नाही, पण रस्ते खुले झाले पाहिजेत. रामलीला मैदान किंवा जंतर मंतर येथे जाऊन आंदोलन करावे, असे या आंदोलकांचे म्हणणे आहे.