'पांजे'च्या संवर्धनाला हातभार; पाणथळ क्षेत्र म्हणून प्रस्तावित करण्याचे आदेश

 

 

 

'पांजे'मधील पाणथळी जमिनीवर खाडीतील भरतीचे पाणी येते. या पाण्याच्या व्यवस्थापनासाठी याठिकाणी काही व्दार बांधण्यात आले आहेत. पावसाळ्यातील पूरपरिस्थितीच्या नियंत्रणासाठी हे व्दार केवळ जुलै ते सप्टेंबर महिन्यात बंद ठेवून बाकीच्या महिन्यांमध्ये खुले ठेवण्याचे आदेश मुंबई उच्च न्यायालय नियुक्त 'राज्य पाणथळ तक्रार निवारण समिती'ने दिले होते. मात्र, नोव्हेबर महिन्यातही हे व्दार बंद करुन भरतीचे पाणी अडविण्याचा प्रयत्न समाजकंठकांकडून सुरू होता. भरतीचे पाणी न आल्याने येथील जमिनी सुकून कांदळवनांना ऱ्हास होण्याचा धोका होता. शिवाय स्थलांतरित पक्ष्यांचा या हंगामात अशा पद्धतीने जमिनी ओलीताखाली नसणे देखील पक्ष्यांच्या अधिवासाच्या दृष्टीने योग्य नव्हते. त्यामुळे यासंदर्भातील तक्रार पर्यावरणवादी नंदकुमार पाटील यांनी समितीकडे केली होती. या तक्रारीच्या आधारे हे व्दार खुले करण्याचे आदेश आम्ही 'सिडको'ला दिल्याचे निनू सोमराज यांनी सांगितले.