गुजरातमध्येही भाजपच आघाडीवर !

गुजरात : बिहारच्या विधानसभा निवडणुकीच्या निकालानंतर गुजरातमधील पोटनिवडणुकीचादेखील निकाल आज जाहीर होणार आहे. यावेळी गुजरातमध्येही भारतीय जनता पक्षाने मोठे यश मिळवले आहे. गुजरात पोटनिवडणुकांच्या दुपारपर्यंतच्या कलांमध्ये भाजप आठही जागांवर पुढे आहे. गुजरातमध्ये ८ जागांवर पोट निवडणुका आवश्यक झाल्या होत्या. कारण जूनमध्ये राज्यसभा निवडणुकांच्या बरोबर पहिले काँग्रेसच्या ८ आमदारांनी राजीनामा दिला होता.

 

 

 

भाजपच्या राज्यसभा जागा कायम राखण्यासाठी ज्या ८ आमदारांनी काँग्रेसला रामराम ठोकला होता. त्यामधील ५ जणांना भाजपने तिकीट दिले आहे. गुजरातमध्ये पोट निवडणुकांचे निकाल सरकारवर सरळ परीणाम करणार नाही. कारण तेथे भाजपजवळ १८२ सदस्यांच्या सदनामध्ये १०३ मते आहेत. तर काँग्रेस जवळ केवळ ६५ जागा आहेत.