काश्मीर दहशतवादी चकमकीत १ दहशतवादी ठार

 

जम्मू : जम्मू-काश्मीरच्या अनंतनागमध्ये दहशतवाद्यांनी पोलिसांवर हल्ला केला. यामध्ये एका पोलीस अधिकाऱ्यावर गोळी झाडली. दहशतवाद्यांच्या हल्ल्यात जखमी झालेल्या पोलीस अधिकाऱ्याला रुग्णालयात दाखल करण्यापूर्वीच वीरमरण प्राप्त झाले. या घटनेने संपूर्ण परिसरात खळबळ उडाली असून सुरक्षा दल तैनात करण्यात आले आहे. दुसरीकडे दक्षिण काश्मीरच्या शोपिया जिल्ह्यातील मेलहोरा परिसरात आतंकवादी आणि सुरक्षा दलांमध्ये झालेल्या गोळीबारात एका दहशतवाद्याचा खात्मा करण्यात आला आहे.

 

 

 

शोपिया जिल्ह्याच्या मेलहोरा परिसरात सुरक्षा दलांनी चौफेर सुरक्षा जवान तैनात केले आहेत. गुप्तचर यंत्रणांकडून मिळालेल्या माहितीच्या आधारे, सुरक्षा जवानांनी दहशतवाद्यांचे शोध मोहिम हाती घेतली असून एका दहशतावाद्याचा खात्मा करण्यात आला आहे. सुरक्षा जवान घटनास्थळी पोहोचताच दहशतवाद्यांनी गोळीबार सुरू केला होता. त्यानंतर, सुरक्षा दल आणि दहशवाद्यांमध्ये चकमक सुरू झाली. या चकमकीत एक दहशतवादी ठार झाला असून अद्याप त्याची ओळख पटली नाही.