खानदेशातील खानदानी निसर्गचित्रकार : पी. एम.

विविध प्रदर्शने, विविध पुरस्कार आणि अनेक नामवंत संग्राहकांनी निसर्गचित्रकार पुंडलिक महाजन यांच्या निसर्गचित्रणांना, त्यांच्या संग्रहात सन्मानाने स्थान दिलेले आहे. ज्येष्ठ चित्रकार प्रभाकर कोलते त्यांच्या मनोगताच्या भाषणात बोलले होते की, “ ‘एखादी’ कलाकृती आपल्याला का आवडते? ती कलाकृती आपल्या स्मरणात का राहते? तर आपण जसे त्या कलाकृतीला पाहत असतो, तद्वतचं ती कलाकृतीही आपल्याला पाहत असते, म्हणून ती आपल्याला आवडत असते.” पुंडलिक महाजन यांच्या कलाप्रवासात जन्मलेले वास्तववादी शैलींपासून तर आधुनिक शैलीतंत्रांतील प्रत्येक निसर्गचित्रण हे श्रीमंतच असते. स्मृतिप्रवणच असते. कारण कोलते सर म्हणाले त्याप्रमाणे त्यांची प्रत्येक कलाकृती जणू आपल्याला प्रतिनिसर्ग दाखवतच असते आणि म्हणून ती रसिक मनाचा ठाव घेते. निसर्गचित्रकार पुंडलिक महाजन उर्फ ‘पी. एम’ यांच्या कलाप्रवासाला सुदृढ शुभेच्छा...!