हिंदुहृदयसम्राट बाळासाहेब लाखो जनतेसाठी आजही प्रेरणादायी : पंतप्रधान

नवी दिल्ली : हिंदुहृदयसम्राट शिवसेनाप्रमुख दिवंगत बाळासाहेब ठाकरे यांची आज ९४ वी जयंती आहे. यानिमित्त शिवाजी पार्क येथील बाळासाहेब ठाकरे यांच्या स्मृतिस्थळावर सकाळपासूनच सर्व पक्षीय नेत्यांची अभिवादन करण्यासाठी शिवाजी पार्ककडे गर्दी आहे. तसेच देशभरातील दिग्गज नेत्यांकडूनही बाळासाहेब ठाकरे यांना अभिवादन करण्यात येत आहे. 'हिंदुहृदयसम्राट बाळासाहेब ठाकरे हे लाखो जनतेसाठी आजही प्रेरणादायी आहेत', असे ट्विट करत पंतप्रधान नरेंद्र मोदी यांनीही बाळासाहेब ठाकरे यांना अभिवादन केले.