मुंबई : चेहर्याचे हावभाव ओळखणारा, समजून घेणारा किंवा मनातली खळबळ ओळखणारा असा 'अल्बर्ट आईन्स्टाईन' रोबो भारतीयांच्या भेटीला येत आहे. ३ ते ५ जानेवारी दरम्यान 'आयआयटी टेकफेस्ट'मध्ये रोबोला भेटण्याची संधी मिळणार आहे.
'अल्बर्ट आईन्स्टाईन' रोबोची भारतात ही पहिलीच भेट आहे. प्रेक्षकांमधील कोणत्याही व्यक्तीच्या प्रश्नाला उत्तर देण्याची क्षमता या रोबोमध्ये आहे. हाँगकाँगच्या हॅन्सन रोबोटिक्सने 'फेशिअल रेकगनिशन' सॉफ्टवेअरचा वापर करून हा रोबो तयार करण्यात आला आहे. तसेच एखाद्या व्यक्तीचे वय आणि लिंग सांगण्याची क्षमताही या रोबोमध्ये आहे.