लेह-लडाखच्या छायाचित्र प्रदर्शनाला उत्स्फूर्त प्रतिसाद

धाराशिव : ९३व्या अखिल भारतीय मराठी साहित्य संमेलनामध्ये विविध कार्यक्रमांची रेलचेल असल्याचे पाहायला मिळाले. संमेलनाच्या पहिल्या व दुसर्‍या दिवशी निमंत्रित कवींनी विविध विषयांवरील, मानवी भावभावनांवरील तसेच सामाजिक व कृषी प्रश्न, समस्यांवरील अनेकानेक कविता सादर केल्या. दुपारी कथाकथनाचा कार्यक्रमही झाला.

गजेंद्रगडकर केवळ प्रवास करूनच थांबत नाहीत तर जिथे भेट दिली त्या त्या स्थळांची, ठिकाणांची उत्कृष्ट छायाचित्रेही काढतात. लेह व लडाखला भेट दिल्यानंतरही त्यांनी तिथल्या सौंदर्याने नटलेल्या निसर्गाची, हिमाच्छादित गिरीशिखरांची, सूर्यकिरणांनी चकाकणार्‍या डोंगररांगांची छायाचित्रे आपल्या कॅमेराच्या लेन्समधून टिपली. गजेंद्रगडकर यांच्या याच छायाचित्रांचे प्रदर्शन संत गोरोबाकाका साहित्य संमेलनात सुरू आहे. लेह-लडाखच नव्हे तर इतरही ठिकाणच्या व्यक्तींची, संस्कृतीची, परंपरांची छायाचित्रेही त्यांच्या या प्रदर्शनात मांडण्यात आलेली आहेत.