दिल्ली पोलिसांच्या गुन्हे अन्वेषण विभागाने पत्रकार परिषदेत ही माहिती दिली आहे. जेएनयूमध्ये रविवारी रात्री सर्व्हर रूमवर हल्ला झाला. या हल्ल्यात या विद्यार्थ्यांचा समावेश असल्याचे आढळून आले आहे. जेएनयूच्या हिंसेबाबत अनेक गैरसमज पसरविण्यात आल्याचे गुन्हे अन्वेषण विभागाचे डीसीपी जॉय टिर्की यांनी म्हटले. 'एसएफआय', 'एआयएसए', 'एआयएसएफ' आणि 'डिएसएफ' आदी विद्यार्थी संघटनांनी विद्यार्थांना नोंदणी करण्यापासून रोखले होते. नोंदणी करणाऱ्या विद्यार्थ्यांना धमकावले जात होते, असा आरोप त्यांच्यावर लावण्यात आला आहे.