‘मेट्रोची गरज आणि शाश्वत विकास’ : प्रवीणसिंह परदेशी यांचे आज मालाडमध्ये व्याख्यान

मुंबई : शहरातील प्रसिद्ध आणि नामवंत ‘माय ग्रीन सोसायटी’ संस्थेच्यावतीने आज एका विशेष व्याख्यानाचे आयोजन करण्यात आले आहे. ‘मेट्रोची गरज-शाश्वत विकास’ या विषयावर हे विशेष व्याख्यान होणार असून यावेळी मुंबई महानगरपालिकेचे आयुक्त प्रवीणसिंह परदेशी उपस्थित असणार आहेत.

मालाड पश्चिम येथील सुंदरनगर परिसरातील डी. जी. खेतान शाळेच्या नवव्या मजल्यावरील सभागृहात सायंकाळी ६ वाजता हा कार्यक्रम पार पडणार आहे. प्रस्तावित मेट्रो३ प्रकल्पाच्या कारशेडवरून ‘आरे’ चा मुद्दा सर्वत्र चर्चेत आहे. त्यामुळे आपल्या व्याख्यानात आयुक्त प्रवीणसिंह परदेशी ‘मेट्रोची गरज-शाश्वत विकास’ या विषयावर नेमकी कोणती मते मांडणार, हे पाहणे महत्त्वाचे ठरणार आहे. यावेळी अधिकाधिक नागरिकांना उपस्थित राहण्याचे आवाहन ‘माय ग्रीन सोसायटी’ संस्थेच्यावतीने करण्यात आले आहे.