'दादा एक गुड न्यूज आहे' च्या शतकपूर्तीनिमित्त प्रेक्षकांना विशेष संधी

सोनल प्रॉडक्शन निर्मित 'दादा एक गुड न्यूज आहे' या नाटकाचा शतकपूर्तीचा प्रयोग येत्या १५ ऑगस्टला ठाण्यातील गडकरी रंगायतन येथे पार पडणार आहे. 'दादा एक गुड न्यूज आहे' हे नाटक बहीणभावाच्या भावनिक नात्यावर आधारलेले आहे. त्यामुळे हा योगायोग म्हणावा की रक्षाबंधनच्याच दिवशी नाटकाचा १०० वा प्रयोग सादर होणार आहे. त्यानिमित्ताने पु. ना. गाडगीळ आणि सन्सच्या संयोजनाने प्रेक्षकांमधील काही भाग्यवान बहीणभावांना सोन्याची राखी जिंकण्याची संधी या नाटकाच्या निमित्ताने मिळणार आहे. 

अद्वैत दादरकर दिग्दर्शित 'दादा एक गुड न्यूज आहे' या नाटकात उमेश कामत, ऋता दुर्गुळे, आरती मोरे, ऋषी मनोहर यांच्या प्रमुख भूमिका असून त्यांनी सोन्याची राखी जिंकण्यासाठी काय करावे लागेल, याविषयी माहिती देणारा व्हिडीओ सोशल मीडियावर पोस्ट केला आहे.