आंतरराष्ट्रीय कौशल्य स्पर्धेत महाराष्ट्राची लक्षणीय कामगिरी

आंतरराष्ट्रीय कौशल्य स्पर्धेत एकूण ६३ देशांतील १ हजार ३५० स्पर्धकांनी ५३ कौशल्य प्रकारात भाग घेतला. भारताने या स्पर्धेत १३वे स्थान मिळविले आहे. दरम्यान, आंतरराष्ट्रीय स्पर्धेत निवडीसाठी केंद्रीय कौशल्य विकास मंत्रालयांतर्गत कार्यरत राष्ट्रीय कौशल्य विकास मंडळाच्या वतीने दिल्लीत ३ ते ५ ऑक्टोबर २०१८ दरम्यान राष्ट्रीय कौशल्य स्पर्धेचे आयोजन केले होते. स्पर्धेत सर्वाधिक २३ पदक मिळवून महाराष्ट्र देशात अव्वल ठरला होता. या स्पर्धेत तुषार फडतरे याने सुवर्ण तर श्वेता रतनपुरा आणि ओंकार गुरव यांनी रजत पदकाची कमाई केली होती.