जेटली राष्ट्राकरिता अनमोल रत्न होते : राज्यपाल विद्यासागर राव

 

 

 

 

 

 

 

 

 

 

 

 

 

 

अर्थमंत्री सुधीर मुनगंटीवार यांनी आपल्या शोकभावना व्यक्त केल्या आहेत. मनमिळावू, मुत्सदी, प्रचंड विद्वान असे नेतृत्व काळाने आपल्यातून हिरावून घेतले आहे. ही राष्ट्राची मोठी हानी आहे. एक मोठा आधारवड आज हरवला आहे. पेशाने वकील असलेले अरूण जेटली हे अतिशय विनम्र, अभ्यासू व्यक्तिमत्त्वाचे धनी होते. सर्वांना सोबत घेऊन जाण्याच्या स्वभावामुळे विरोधकही त्यांच्या प्रेमात पडत असत असे. देशात वस्तू आणि सेवा कर प्रणालीच्या अंमलबजावणीच्यानिमित्ताने वारंवार त्यांच्याशी संवाद साधण्याचा, त्यांच्यासमवेत बैठकांमध्ये सहभागी होण्याचा योग आला. त्यावेळी त्यांचे सर्वस्पर्शी व्यक्तिमत्त्व जे सर्वांना भारून टाकणारे होते ते पाहायला मिळाले. त्यांच्या सर्वसमावेशक दृष्टीमुळे जीएसटीचे सर्व निर्णय पक्षीय भेद न राहता केवळ एकमताने, एक दिलाने मंजूर झाले. सर्वांना सोबत घेऊन जाण्याच्या त्यांच्या कौशल्यामुळेच देशात या करप्रणालीची अंमलबजावणी यशस्वी ठरली.

 

 

 

 

 

 

 

मुंबई भाजपचे अध्यक्ष मंगलप्रभात लोढा यांनीही जेटलींच्या निधनावर शोक व्यक्त केला. ते म्हणाले की, जेटलींच्या निधनाने देशाने एक विद्वान, एक प्रगल्भ कायदेशीर आणि ज्वलंत नेता गमावला. नवीन भारताच्या जडणघडणीत ते पंतप्रधान नरेंद्र मोदी यांचे सहयोगी होते, अशा नेत्याचे जाणे हे संपूर्ण देशाचे मोठे नुकसान आहे. त्याचा मृत्यू मला वैयक्तिकरित्या खूप वेदनादायक आहे, कारण, ते माझे मार्गदर्शक होते. भारताच्या प्रगतीत त्यांचे महत्त्वपूर्ण योगदान आहे. त्यांच्या कुटुंबीयांबद्दल मनापासून शोक आणि जेटली यांना श्रद्धांजली.

 

 

 

 

 

 

 

 

'माजी केंद्रीय मंत्री व वरिष्ठ भाजप नेते अरुण जेटली यांच्या निधनाचे वृत्त अत्यंत धक्कादायक आहे. जेटली राजकारणातील सुसंस्कृत नेतृत्व होते तसेच ते निष्णात विधिज्ञ होते. संसदेतील त्यांची भाषणे अत्यंत अभ्यासपूर्ण असायची. त्यांच्या निधनाने भारतीय राजकारणातील अभ्यासू व उत्कृष्ट संसदपटू हरपला आहे, अशी भावना विधानसभेतील विरोधी पक्षनेते विजय वडेट्टीवार यांनी व्यक्त केली आहे. 

 

 

तसेच अरुण जेटली यांच्या निधनावर दुःख व्यक्त करताना काँग्रेस प्रदेशाध्यक्ष बाळासाहेब थोरात म्हणाले की, यशस्वी वकील असलेल्या अरुण जेटली यांनी सक्रिय राजकारणातही चांगले योगदान दिले. खासदार, राज्यसभेतील विरोधी पक्ष नेते, माहिती व प्रसारण राज्यमंत्री, अर्थमंत्री आदी महत्त्वाच्या जबाबदा-या त्यांनी भूषवल्या. सखोल अभ्यास, विषयाची मुद्देसूद मांडणी करण्याचे त्यांचे विशेष कौशल्य होते. स्वपक्षातील नेत्यांसोबतच विरोधी पक्षांतील नेत्यांशी त्यांचा उत्तम संवाद होता.अरुण जेटली यांना भावपूर्ण श्रद्धांजली अर्पण करून जेटली कुटुंबीयांच्या दुःखात सहभागी असल्याचे ही म्हणाले.